Sosial şəbəkələrdə Abşeron rayonu, Xırdalan qəsəbəsində yerləşən 1 nömrəli məktəbdə aşağı qiymət alan şagirdlərin, müəllimin telefonunu əlindən alıb və qırdığı ilə bağlı məlumat və foto paylaşılıb. Bu azmış kimi, müəllim üçün "not" da buraxıblar və foto sosial şəbəkələrdə əks olunub. Bu paylaşım insanlar tərəfindən tənqid olunub.
Görəsən, həqiqətəndə Xırdalanın 1 nömrəli məktəbində belə bir olay yaşanıbmı?
Məsələ ilə bağlı Abşeron-Xızı Regional Təhsil İdarəsi ilə əlaqə saxladıq. İdarənin mətbuat xidmətinin sözçüsü Səbinə Məmmədova Xeberle.com-a məsələ ilə bağlı aydınlıq gətirib. O belə bir faktın olmadığını bildirib:
"Bəzi sosial şəbəkə istifadəçiləri tərəfindən Xırdalan şəhər 1 nömrəli tam orta ümumtəhsil məktəbində baş verdiyi iddia olunan hadisə ilə bağlı yayılan məlumatlarla əlaqədar bildiririk ki, sözügedən məktəbimizdə bu adda müəllim çalışmır və belə bir hadisənin baş verməsi ilə bağlı hər hansı təsdiq olunmuş fakt yoxdur.
İctimaiyyəti rəsmi mənbələrdən dəqiqləşdirilməmiş informasiyalara inanmamağa, istinad etməməyə çağırırıq".
Elşən Yəhyayev
Xəbərdən istifadə edərkən istinad etmək vacibdir.
