Məlum olduğu kimi, bütün orta məktəblərdə böyük idman zalları var. Əksər günlərdə gündüz saatlarında bu zallar boş olsa da, axşam saatlarında bir çox məktəblərin idman zalları əsl idman arenasını xatırladır.

Apardığımız araşdırma nəticəsində məlum oldu ki, bu zalların bir çoxu məktəblər tətəfindən ayrı-ayrı idman müəllimlərinə icarəyə verilir.  Faktı əməkdaşımıza təsdiq edən təhsil işçisi bildirdi ki, heç bir məktəb direktoru bunu öz təşəbbüsü ilə edə bilməz: "Bu, Təhsil Şöbəsi ilə razılaşdırılmış məsələdir. İcarədə əldə olunan gəlir tək məktəb direktorunun qazancı deyil”.

Qiymətlərə gəlincə, məktəblərin idman zalını icarəyə götürmək məşqçilər üçün daha sərfəlidir, məsələ orasındadır ki, bu zallar digər alternativlərindən daha ucuzdur. Belə ki, bu yerlərin icarə haqqı 100 AZN civarındadır.

Başqa bir məlumata görə isə məktəblərdə icarəyə verilən təkcə idman zalları deyil. Belə ki, akt zalları da biznes premtinə çevrilib. Bu zallarsa ansambllara icarəyə verilir.

Məsələ ilə bağlı fərqli mövqeləri də işıqlandırmağa hazırıq.(reader.az)