Sumqayıt şəhər 9 nömrəli tam orta məktəbdə "Şagirdlərin bədii zövqünün formalaşmasında kitabın,mütaliənin rolu və əhəmiyyəti” mövzusunda tədbir keçirilib.
Tədbirdə məktəbin əlavə binasında müvəqqəti məskunlaşmış məcburi köçkün məktəbinin (Laçın şəhər 12 nömrəli tam orta məktəb) şagird və müəllim kollektivi də iştirak edib.
Məktəbin kitabxana müdiri Çimnaz Hüseynova tədbiri açıq elan etdikdən sonra məktəbin direktoru Bəhruz Səlimxanov tədbir iştirakçılarını salamlayaraq çıxış edib və Laçın şəhər 12 nömrəli tam orta məktəb ilə mütəmadi əməkdaşlıq etdiklərini  və birgə tədbirlər keçirdiyini vurğulayıb.
Sonra 3a və 8a sinif şagirdlərinə söz verilib.
Şagirdlərdən X.Allahverdi, A.İpəyin, A.Qədirzadə, Y.Aslanzadə, İ.Bağıyeva, A.Mahmudova oxuduqları kitablardan hikmətli sözlər, müdrik kəlamlar və şeirlər söyləyiblər. Laçın şəhər 12 nömrəli tam orta məktəbin direktoru Nərgiz Hüseynova, müəllimlərdən A.Həsənov, S.Hümbətova, şagirdlərdən Z.İbrahimova, Z.Hüseynli çıxışlarında 9 nömrəli məktəblə əlaqələrinin sıx olduğunu və həmişə birlikdə işlədiklərini dilə gətiriblər.
9 nömrəli tam orta məktəbin direktor müavini Faiq Bayramov çıxışında kitabın bilik mənbəyi olmağından, təbiət təsvirlərinin orada yer almasından söhbət açaraq Laçın rayonunun gözəl təbiətindən, yeraltı və yerüstü sərvətlərindən, yaşayış məskənlərindən  danışıb və tezliklə o gözəl torpaqların düşmən tapdağından azad olmasını arzulayıb.
Müəllimlərdən Səmayyə Səmədova, Vüqar Abdullayev, İlkin Əliyev, Şahin Rəfiyev və başqaları öz çıxışlarında keçirilən tədbirin əhəmiyyətindən söz açdılar.
Müasir dünyada mütaliənin ən vacib işlərdən biri olduğunu vurğulayıblar.