İyulun 22-dən Azərbaycanın ümumtəhsil müəssisələrinə mərkəzləşdirilmiş qaydada keçirilən müəllimlərin işə qəbulu üzrə artıq müsabiqənin test mərhələsi yekunlaşıb və vakansiya seçiminə start verilib. 
Qeyd edək ki, namizədlərə ixtisaslarına uyğun olaraq məktəblərin fənn proqramının məzmunu üzrə 40, metodika, təlim strategiyaları üzrə 10 və məntiq üzrə 10 sual olmaqla ümumilikdə 60 sualı cavablandırmaq üçün 90 dəqiqə vaxt verilib. 
Təhsil Nazirliyindən mətbuata verilən məlumata görə, müəllimlərin işə qəbulu üzrə müsabiqədə iştirak üçün müraciət edənlər arasında ibtidai sinif, Azərbaycan dili və ədəbiyyat, ingilis dili müəllimi olmaq istəyən namizədlər üstünlük təşkil edir. 22 iyul–3 avqust tarixlərində keçirilən test imtahanı mərhələsində elektron ərizəsi təsdiq edilən 31 779 nəfərin 27 814 nəfəri iştirak edib. 
Hazırda respublikanın ümumtəhsil müəssisələrində olan 3346 vakansiya müsabiqəyə çıxarılıb. Bu rəqəm müraciət edən müəllimlərin sayından təqribən 9 dəfə az yer deməkdir. 
İmtahan olunan müəllimlər Moderator.az -a müraciət edərək şikayətlərini bildiriblər:
"Biz müəllimlər hər il müəllimlərin işə qəbul imtahanında iştirak edib vakansiyaların azlığı səbəbindən işsiz qalmağa etiraz edirik. Rayon təhsil şöbələri tərəfindən vakansiyaları gizlədilməsinə, şəxsən tanıdıqları müəllimləri müqavilə ilə işə qəbul etməsinə etiraz edirik. Əgər müqavilə ilə işə qəbul olunmaq mümkündürsə, nə üçün həmin müəllimlər müəllimlərin işə qəbulu müsabiqəsində yüksək nəticə göstərmiş namizədlər arasından seçilmir. Hər il yüzlərlə yüksək nəticə göstərmiş, yüksək potensialı olan, işini sevən və işinə həvəslə yanaşan namizədin əziyyəti heç olur. Biz müəllimlərin attestasiya olunmasını və məktəblərdə yüksək göstəricili müəllimlərin işləməsini tələb edirik. Azərbaycanda müəllimlərin sayı normadan bir neçə dəfə artıq olmasına baxmayaraq bu gün məktəblərimizdə  savadlı, işini sevən müəllimlərə ehtiyac var. Biz Azərbaycanın gələcəyi naminə şagirdlərimizin savadlı, vətənpərvər şəxsiyyət kimi yetişməsində əməyi ola biləcək müəllimlərin məktəblərdə çalışmasını istəyirik. Bildiyimiz kimi, məktəb cəmiyyətin sosial sifarişini yerinə yetirməli, şagirdləri dərin və hərtərfli biliklərlə təmin etməli, yüksək mədəniyyətə, mütərəqqi dünyagörüşünə malik olan şəxsiyyətlər kimi yetişdirməlidir. Məhz buna görə də ümumtəhsil məktəblərində yeni pedoqoji və metodik yanaşmalara, yeni metodik düşüncə tərzinə malik müəllimlərə ehtiyac vardır. Təhsil Nazirliyindən xahiş edirik, müəllimləri və müəllim olunan namizədləri "gözü çıxmış qardaşdan" dərs götürərək həvəsdən düşməsinə, bu sahədən uzaqlaşmasına laqeyd yanaşmasınlar. 
Mehriban Əliyeva- 54 bal, Suraxanı rayonu, Azərbaycan dili və ədəbiyyatı 
Nərmin Mehdiyeva - 51bal, Gəncə şəhəri, Azərbaycan dili və ədəbiyyatı,  1 vaķansiya da yoxdur...
Məmmədli Könül - 54 bal, Səbail rayonu, Azərbaycan dili və ədəbiyyatı, Yasamal rayonlarında vakansiya olmasını istəyir...
Könül Hacıyeva - 52 bal, İngilis dili, Bakı məktəblərində işləmək istəyir...
Günel Vəĺiməmmədova- 54 bal, Azərbaycan dili və ədəbiyyatı, Sumqayıt şəhəri və ya Abşeron rayonu, ətraf qəsəbələr 1 vakansiya da verməyib.
Günel Zamanlı- 54 bal, Azərbaycan dili və ədəbiyyatı, Sumqayıt şəhərində işləmək istəyirəm, 6-cı ildir ki, vakansiya gözləyirəm.
Əkbərli Ülviyyə, 50 bal, Bakıda işləmək istəyirəm, ibtidai sinif müəllimi
Xəlilova Pervin  52 bal, ibtidai sinif müəllimi, Xırdalanda işləmək istərdim, təəssüf ki, 3 ildir ki, vakansiya yoxdur.
Carciyeva Yeganə 53 bal,  Təsviri incəsənət müəllimi, Qazax rayonunda işləmək istəyirəm.
Musayeva Nərgiz Əmiraslan qızı - 50 bal. Ağdaş rayon Abad kəndi. Tarix müəllimi.
Həsənzadə Şəfiqə -50 bal, Bakı şəhəri üzrə tarix müəllimliyi üzrə vakansiya yoxdur.
Şəkərova Afət-50 bal. Azərbaycan dili və ədəbiyyatı müəllimi, Bakı və ya Abşeron rayonunda işləmək istəyir.
Xaliqova Aynur- 52 bal. Azərbaycan dili ve ədəbiyyat müəllimi, Kürdəmir rayonunda  
Vusalə Sadiqova -53 bal, Yasamalda işləmək istəyir, Azərbaycan dil və ədəbiyyat .
Əkbərova Leyla  -55 bal, Azərbaycan dili və ədəbiyyatı. Bakı şəhərində vakansiya gözləyir.
Sevda Əhmədova - ingilis dili. 50.2241 bal. Sumqayıt şəhərində işləmək istəyir, lakin vakansiya yoxdur.
Kimya Xəlilova - 52 bal,  ingilis dili, Bakı, Abşeron, Sumqayıt şəhər məktəbləri üçün vakansiya olmasını istəyirəm. 
Vüsalə Bədəlova 47 bal, Zaqatalada işləmək istəyirəm vakansiya yoxdur..."
Qeyd: Adları çəkilən müəllimlər müəllimlərin işə qəbul imtahanından 80-90% nəticə göstərən müəllimlərdir.