Sumqayıt şəhər 38 saylı "Şəfəq
Uşaq bağçası və Körpələr evi”, "Əlvida
bağça, salam məktəb!” adlı buraxılış tədbiri keçirib. Tədbirin açılışı ilk
olaraq Azərbaycan himninin səsləndirilməsi ilə başlanıb. Daha sonra balaca
fidanlar vətənə, müəllimə, ana dilimizə, təbiətə, sülhə həsr edilən şeirlər
söyləyiblər. Tədbirdə həmçinin uşaqların iştirakı ilə hazırlanmış "Sehirli
xalat” filminin motivləri əsasında səhnəcik, "Nəlbəki”, "Yaylıqlar” və s. kimi
rəqslər nümayiş etdirilib. Ümummilli lider Heydər Əliyev, Nizami Gəncəvi, Nəsimi
kimi dahilərin vətən, Azərbaycan haqqında fikirləri səsləndirilib. "Anam
mehribanım Azərbaycanım”, "Biz məktəbə hazırıq” və s. kimi mahnıların ifası tədbiri daha da maraqlı edib. Tədbirdə çıxış
edən valideynlər və müəllimlər bağça və uşaqlar ilə bağlı öz ürək sözlərini
söyləyiblər. Bağçanın direktoru Samirə Cəfərova çıxış edərək qürur hissi ilə
bağçanın qazandığı uğurlardan danışıb. O, "1 iyun Beynəlxalq Uşaq Günü” münasibəti
ilə bağlı Sumqayıt Dövlət Dram Teatrında keçirilən tədbirdə icra başçımız Zakir
Fərəcov tərəfindən seçilərək "Fəxri fərman”la təltif olunan, tərbiyəçi Cəfərova
Şəlalə Mayis qızını bir daha təbrik
edib, bağçanın fəaliyyətində müəllim kollektivinin də xüsusi əməyi olduğunu xüsusi vurğulayıb. Direktorun çıxışından sonra
uşaqlar müəllimlərinə hazırladıqları şeir parçalarını ifa edib və onlara gül dəstələri
hədiyyə ediblər.
Tədbirin sonunda
2015-2017 tədris ilində 38 saylı körpələr evi uşaq bağçasında təhsil aldığı
müddətdə təlimdə qazandığı uğurlara və qrupun tədbirlərində göstərdiyi fəallığa
görə Allahverdili Ayan Vidadi qızı, Tağızadə Ayan Rəfael qızı, Yusifzadə Aytac
Rafiq qızı, Hətəmli Gülçin Elçin qızı, Mürsəlli Rüqəyya Yəhya qızı, Muxtarlı Fərid
Vüqar oğlu, Tanrıverdiyev Orxan Aqil oğlu, İbrahimli İlahə Aqşin qızı, Bayramlı
Mələk Rəfael qızı, Ağazadə Rahin Rahib oğlu tərifnamə ilə təltif olunublar.
Qeyd edək ki, Sumqayıt şəhər Şəfəq Uşaq bağçası və
Körpələr evi 1965-ci ildən fəaliyyət göstərir.
Elnarə
Salamova
Xeberle.com
Xəbərdən istifadə edərkən istinad etmək vacibdir.
