"Qərb Universiteti Azərbaycanda insan inkişafına dair təhsilin təmin olunmasının və Azərbaycan cəmiyyətinə bu biliklərin aşılanmasının təşəbbüskarı kimi çıxış edib. 2001-ci ildə ölkədə ilk dəfə olaraq Qərb Universitetində İnsan İnkişafı İnstitutu təsis edilib. Sabit inkişafın müxtəlif aspektləri üzrə, o cümlədən sabit insan inkişafı üzrə biliklərin təbliği və yayılması bu İnstitutun fəaliyyətində prioritet istiqamətdir”. 
Bu sözləri Qərb Universitetinin təşkilatçılığı ilə "Müasir dəyişən dünyada xalqların milli özünüdərk və özünütəsdiq prosesinin aktual problemləri” mövzusunda keçirilən Beynəlxalq Elmi Konfransda çıxışı zamanı Azərbaycan Respublikasının Prezidenti yanında Dövlət İdarəçilik Akademiyasının rektoru, AMEA-nın həqiqi üzvü Urxan Ələkbərov deyib.
U.Ələkbərov qeyd edib ki, İnstitut Azərbaycanda 1995-ci ildən BMT-nin İnkişaf Proqramının təşəbbüsü və dəstəyi ilə tərtib olunan insan inkişafı üzrə illik hesabatların hazırlanmasında fəal iştirak edir və bu fəaliyyət beynəlxalq hesabatlarda Azərbaycanın əldə etdiyi nailiyyətlərin, inkişafın əks olunmasına imkan yaradır.

Xəbərdən istifadə edərkən istinad etmək vacibdir.