Məlumdur ki, cari ilin sonu növbəti ilin əvvəlinə Sumqayıt Dövlət Universitetinin (SDU) tələbələr üçün nəzərdə tutulan yataqxanasından qaçqınların köçürülərək yeni evlərlə təmin olunması planlaşdırılır.
Xeberle.com olaraq yataqxananın sonrakı aqibətini öyrənmək üçün SDU-nun mətbuat xidmətənin rəhbəri Nazxanım Cəlili ilə əlaqə saxladıq. N.Cəlili bildirdi ki, yataqxanadan qaçqınlar köçürüldükdən sonra, onun tələbələrin istifadəsinə verilməsi üçün aidiyyəti qurumlara müraciət olunacaq: "Biz yataqxanada yaşayışın mümkün olub-olmaması barədə lazımi qurumlara müraciət edəcəyik. Lakin bu mümkün olmadığı təqdirdə tələbələr üçün yeni yataqxananın tikilməsi nəzərdə tutulub”.
Qeyd edək ki, avqust ayının əvvəllərində SDU-nun yataqxanasında yanğın baş vermişdi. Yanğın hadisəsindən sonra 1993-cü ildən yataqxanada məskunlaşan qaçqınların buradan köçürlərək yeni mənzillərlə təmin olunması nəzərdə tutulub.
Elnarə Salamova
Xeberle.com
Xəbərdən istifadə edərkən istinad etmək vacibdir.
