"Sumqayit şəhərində 56 bağça fəaliyyət göstərir ki, onlardan da 46-sının bir hissəsində məcburi köçkünlər sığınacaq tapıblar. Sumqayıtda işğal altında olan ayrı-ayrı rayonlardan 52 mindən çox qaçqın və məcburi köçkün məskunlaşıb. Onlardan 5292 nəfəri təhsil müəssisələri və uşaq bağçalarında yaşayır. Bağça probleminin həlli şəhər, eləcə də ölkə rəhbərliyinin daim diqqət mərkəzindədir. Bakı və Sumqayıt şəhərlərinin yataqxanalarında müvəqqəti məskunlaşmış qaçqın və məcburi köçkün ailələrinin köçürülməsinə həsr olunmuş 2017-ci il 9 mart tarixli müşavirədə bir sıra mühüm problemlərə toxunan Azərbaycanın Birinci vitse-prezidenti Mehriban Əliyevanın aidiyyəti qurumların rəhbərlərinə qaçqın və məcburi köçkünlərin mənzil şəraitinin yaxşılaşdırılması üçün verdiyi tapşırıq Sumqayıt şəhərində uğurla icra edilir.”

Vurğulanıb ki, həmin bağçalarda yaşayan qaçqınlara 12-ci mikrorayon ərazisində tikilən yeni binadan mənzil veriləcək ki, bu da şəhərdə bağçalara olan tələbatın 30 faizini ödəmiş olacaq. Yeni bağçaların tikilməsi isə hələ ki, nəzərdə tutulmur.