Bu tədris ilində ödənişli əsaslarla
Sumqayıt Dövlət Universitetinə qəbul olan 6 tələbə Maarifçi Tələbə Kredit Fonduna
kredit almaq üçün müraciət edib.
Maarifçi Tələbə Kredit Fondundan Xeberle.com-a verilən məlumata görə Sumqayıt
Dövlət Universiteti üçün 5 yer müəyyən edilib: "Müraciət edən tələbələrdən
3 nəfərinə təhsil haqqı kreditinin verilməsi uyğun görülüb, 2 yer isə boş
qalıb."
SDU-da təhsil haqqını ödəyə bilmədiyi üçün ali təhsil almaqdan imtina
edən tələbələr varmı?
Sualımıza cavab olaraq universitetin Mətbuat xidmətinin rəhbəri
Nazxanım Cəlilli bildirdi ki, təhsil haqqını ödəyə bilməyən tələbələrə xüsusi
güzəştlər olunur: " Universitetə qəbula yazılarkən və təhsil aldığı müddətdə ödəniş
edə bilməyən 1-2 tələbə olur. Çox vaxt rektorla görüş zamanı həmin şəxslər öz çətinliklərini
bildirirlər və onlara universitetimiz tərəfindən
illik xərcləri hissə-hissə ödəmələri üçün şərait yaradılır”.
Xatırladaq ki, təhsil eksperti
Kamran Əsədov xəbər portallarından birinə verdiyi açıqlamada son 5 ildə 7 min şəxsin təhsil haqqını ödəyə
bilmədiyi üçün ali təhsil almaqdan imtina etdiyini bildirmişdi.
Elnarə
Salamova
Xeberle.com
Xəbərdən istifadə edərkən istinad etmək vacibdir.
