Sumqayıtda Ümummilli lider Heydər Əliyevin anadan olmasının 95-ci ildönümü münasibətilə məktəblilər arasında bilik yarışı keçirilib.
Xeberle.com-un məlumatına görə, yarışda Sumqayıt məktəblərini təmsil edən 56 komanda qalib adı uğrunda mübarizə aparıb.
Bilik yarışının qalibi 31 nömrəli məktəbin komandası olub. İkinci yeri Təbiət Elmləri Təmayüllü Liseyin şagirdləri, üçüncü yeri isə 9 nömrəli məktəbin komandası tutub.
Qaliblər müxtəlif hədiyyələrlə təltif ediliblər. Birinci yeri tutan komandanın üzvlərinə xaricdə təhsil sahəsində yardım göstəriləcək.
Qeyd edək ki, bilik yarışı Sumqayıt şəhər Təhsil Şöbəsinin dəstəyi, "Sülh Travel" "Karandaş Store" mağazalar şəbəkəsinin və "Start Education" Tədris Mərkəzinin təşkilatçılığı ilə keçirilib.
Xəbərdən istifadə edərkən istinad etmək vacibdir.
