Uşak Universitetinin Azərbaycanlı Tələbələri Azərbaycan Cümhuriyyətinin 100-cü illiyini qeyd etdilər.
15 may tarixində Türkiyənin Uşak Universitetində Türkiyə Azərbaycan Dərnəkləri Federasiyasının Uşak şəhər təmsilçiliyinin azərbaycanlı tələbələri Azərbaycan Cumhuriyyətinin 100 illiyini qeyd etdilər.
Tədbirə Uşak Universitetinin Türkmənistanlı,Qazaxıstanlı eləcə də xarici tələbələr qatıldılar.
Tədbirə açılış nitqi ilə başlayan TADEF Uşak şəhər təmsilcisi Ramin Seyidov tədbir iştirakçılarını salamlayaraq Azərbaycan Cumhuriyyəti haqqında qısa məlumat verdi.Sonra Qazaxıstanlı,Türkmənistanlı tələblər çıxış edərək Azərbaycan Cumhuriyyətinin 100 illiyi münasibətilə Azərbaycanlı tələbələri təbrik etdlər.
Daha sonra Uşak Universitetinin keçmiş Azərbaycanlı tələbə təmsilçisi Orxan Həsənli çıxış edərək tədbirə qatılmış Uşak Universitetinin müəllimlərinə,xarici tələbələrinə tədbirə qatıldıqları üçün öz dərin minnətdarlığını bildirib.
Qeyd edək ki,Universitetin keçmiş azərbaycanlı tələbəsi Orxan Həsənli 4 illik ictimai fəaliyyətlərində bir çox uğurlar qazanmış eyni zamanda Uşak şəhərində Azərbaycan mədəniyyətinin təbliğində böyük rol oynamıştır.
Sonra Uşak millət vəkili Mehmet Altay,İzmir Azərbaycan Türkiyə həmrəylik dərnəyinin sədri Mülazım Pahsa və TADEF sədri Bilal Dündarın təbrik mesajları çatdırılıb.
Çıxışlardan sonra Azərbaycan Cümhuriyyətinin qurulması haqqında qısametrajlı film nümayiş olunub.
Tədbir Azərbaycanlı tələbələrin panel çıxışı ilə davam edib.
Panel çıxışçıları Uşak Universitetinin azərbaycanlı tələbələri Rüstəm Rüstəmov,Möhübə Ömərova və Orxan Əkbərlinin Azərbaycan Cumhuriyyəti haqqında hazırladıqları məqalələrdən danışaraq tədbir iştirakçılarına geniş məlumat veriblər.
Tədbirə ictimai fəaliyyətlərdə aktif iştirak edən azərbaycanlı tələbələrə təşəkkürnamələrin təqdim edilməsi ilə yekun vurulub.
Xəbərdən istifadə edərkən istinad etmək vacibdir.
