Xeberle.com-un məlumatına görə, Sumqayıt şəhər Təhsil Şöbəsinin tabeliyində fəaliyyət göstərən 50 təhsil müəssisəsində ümumilikdə 53000 şagird təhsil alır.

Məktəblərin I sinfində 6500-dən çox, V sinfində 5500, VI sinfində 4800, VII sinfində 4690 , VIII sinfində 4300, IX sinfində 3619, X sinfində 2890, XI sinfində isə 2707 şagird oxuyur.

Təhsil nazirinin əmrinə əsasən, ümumi təhsil müəssisələrində 2018-2019-cu tədris ilində ilk dərslər ibtidai siniflərdə "Vətənim Azərbaycan”, V-IX siniflərdə "Dövlət rəmzləri-müstəqilliyimizin simvolu”, X-XI siniflərdə "Azərbaycan Xalq Cümhuriyyəti-dövlətçiliyimizin bayraqdarı” mövzularına həsr olunub.

Qeyd edək ki, Sumqayıt şəhər Təhsil Şöbəsinin tabeliyində 3-ü lisey tipli olmaqla. ümumi 50 məktəb fəaliyyət göstərir.

Xədicə Səxavətqızı

Xeberle.com