Bu barədə respublika fənn olimpiadaları qaliblərinin mükafatlandırılması mərasimində Təhsil naziri Ceyhun Bayramov bildirib və qərar 2018-2019 tədris ili üçün artıq qüvvəyə minib. Artıq liseylərdə xüsusi nümunəli atestatların verilməsi üçünbelə olimpiada sinifləri də yaradılıb.

Bu sözləri Xeberle.com-a mövzu barədə danışarkən təhsil üzrə ekspert Elşən Qafarov bildirib. O, həmçinin söyləyib ki, Respublika üzrə ümumi olaraq 5 lisey tipli məktəbdə belə sinif yaradılıb ki, onlardan biri də Sumqayıt şəhərində fəaliyyət göstərən TTEL-in payına düşür. "Ümumi olaraq isə 2015-ci ildən başlayaraq Fuad Qarayev adlı istedadlı bir gənc olimpiada məsələri ilə məşğul olmaq üçün Təhsil Nazirliyinə dəvət edildi. Dünya olimpiadasında fəxri yer tutan Fuad Qarayev özü kimi bir neçə istedadlı gənci də ətrafında toplayaraq qısa müddət ərzində Azərbaycan ümumtəhsil sektorunda Olimpiada Hərakatı yarada bildi. Gənclərin təşəbbüsü ilə yaradılan bu hərakat yaradılmadan öncəki illərdə respublikamızdan az sayda olsa da dünya fənn müsabiqələrində iştirak edənlər olurdu.

Lakin Nazirliyin soyuq münasibəti ilə razılaşmayan belə gənclər təhsilini xarici ölkərdə davam etdirməyə üstünlük verdilər. Olimpiada artıq dərin uçurumla üzbəüz idi. Fuad Qarayev olimpiadanı demək olar ki, ölkəmizdə yenidən dirçəltdi və bu gün də həmin hərakatın davamı olaraq Nazirlik liseylərdə olimpiada sinifləri yaratdı. Respublika üzrə fənn müsabiqələrində fərqlənən şagirdlər həmin liseylərdə yaradılmış siniflərə gətirildi. Lakin çox təəsüflər olsun ki, gələcəkdə göstərəcəyi nəticəni düşünən bəzi məktəb direktorları istedadlı şagirdlərini bu siniflərə göndərmədi. Bu da öz növbəsində Nazirliyin təhsilin inkşafı üçün nəzərdə tutduğu tədbirlər planının parlaq nəticə verməsinə mane olur. Sonda vəziyyət o yerə gəlib çıxdı ki, 2018-ci ildə Dünya Olimpiadasında kimya və biologiya fənləri üzrə nəticələrimiz sıfır oldu. Adını da qoymuşuq təhsildə keyfiyyət ili...”

E.Qafarov həmçinin vurğuladı ki, nazirliyin yaratdığı bu siniflər ona görə liseylərə həvalə edilib ki, lisey tipli orta ixtisas məktəblərində xüsusi qabilliyətli, istedadlı uşaqlar təhsil almalıdır. Dünyada İQ qabilliyətli, yüksək istedada malik 2.1 faiz uşaq var. Hər bir əlaçı şagird yüksək qabiliyyətə malik istedadlı şagird demək deyil. Ümumiyyətlə bizdə liseylər orta ixtisas məktəbi ilə qarışdırılır. Bu gün mövzumuz əsasən budur ki, özünü lisey adlandıran məktəblərimizdə imtahan mərkəzlərinin kortəbii halda yaradılması, əslində, bu, istedadlı uşaqlara qabiliyyətlərini inkişaf etdirməsinə əks təsir göstərəcək. Çünki hər bir istedadlı şagirdin fərdi inkşaf planı hazırlanmalıdır. İstedadlı uşaqlarla fərdi məşğul olaraq onları xüsusi fənn olimpiadalarına hazırlaşdırmaq lazımdır. Fərdi inkişaf planı hazırlanmadan yüksək nəticə əldə etmək mümkün deyil. Yanaşma düzgün olmadığı üçün olimpiada sinifləri yaradaraq uşaqları orada bir araya gətirmək yüksək nəticə verməyəcək.

"Əsasən öz şagirdlərimizdən təşkil olunan bu siniflərə başqa məktəblərdən də yüksək ixtisaslı, fənn müsabiqələrinin qalibləri də cəlb olunub”.

Bu sözləri Xeberle.com-a yeni yaradılmış olimpiada sinifləri haqda danışan Sumqayıtda TTEL-in direktoru Rüxsarə Məmmədova deyib. O, həmçinin bildirib ki, texniki təmayüllü olmaqla 7-ci sinifdə və təbiət elmləri üzrə isə 8-ci sinifdə nazirlik tərəfindən yaradılan bu olimpiada siniflərində dərs yükü də fərqlidir. Siniflər bizim məktəbdə yaradılıb və həmin siniflərdə dərs deyəcək müəllimlər də öz məktəbimizdən seçilib.

Xədicə Səxavət

Xeberle.com