Bu barədə "Azəristiliktəchizat” ASC-nin "Sumqayıtistiliktəchizatı” İdarəsinin rəisi Avtandil Nuriyev Xeberle.com-un sorğusuna cavab olaraq deyib.

İdarə rəisi bildirib ki, ümumtəhsil müəssisələrindən 30-u "Azəristilik” ASC tərəfindən mərkəzləşdirilmiş qaydada 24 qazanxana tərəfindən, 20-si isə fərdi qazanxana vasitəsilə istiliklə təchiz edilir.

Açıqlamada o da qeyd olunub ki, şəhərdə fəaliyyət göstərən uşaq bağçalarının hamısı kombi sistemi vasitəsilə istiliklə təchiz olunur. Səhiyyə müəssisələrinə gəldikdə isə 14 xəstəxana binası, 12 müxtəlif müəssisə və şirkət binası da "Azəristilik” ASC tərəfindən mərkəzləşdirilmiş qaydada istiliklə təmin olunur.

Sumqayıt şəhər Təhsil Şöbəsindən Xeberle.com-a verilən açıqlamada isə vurğulanır ki, ümumi təhsil müəssisələrinin istiliklə təchiz edilməsi Azərbaycan Respublikası Nazirlər Kabinetinin müvafiq qərarı ilə hər il noyabrın 15-dən başlayır: "Cari ildə də təhsil müəssisələrinin istilik təminatına noyabr ayının 15-dən başlanılacaq. SumqayıtŞəhəri üzrə Təhsil Şöbəsinin tabeliyində fəaliyyət göstərən ümumtəhsil müəssisələrinin 2018-2019-cu tədris ilində payız-qış mövsümünə hazırlığının yoxlanılması məqsədilə ilkin monitorinqlər aparılıb. İstilik sistemləri işə düşdükdən sonra əlavə olaraq hər hansı problem yaranarsa, səbəbi müəyyənləşdirilərək aradan qaldırılacaq".

Xədicə Səxavətqızı

Xeberle.com