Bu gün Yeni Azərbaycan Partiyası (YAP) Sumqayıt şəhər təşkilatında müəllimlər günü qeyd edilib.
Tədbiri açan YAP Sumqayıt şəhər təşkilatının sədri Ramiz Hüseynov - "Mən dünyada müəllimdən şərəfli ad tanımıram” deyən ümummilli lider Heydər Əliyevin Azərbaycana rəhbərlik etdiyi bütün illərdə müəllim əməyini yüksək qiymətləndirdiyini, onlara böyük hörmətlə yanaşdığını, təhsil işçilərinin maddi vəziyyətinin, rifah halının yaxşılaşdırılmasının qayğısına qaldığını bildirib. Ölkəmizdə son illərdə təhsilin inkişafı ilə bağlı həyata keçirilən kompleks tədbirlər, Prezident İlham Əliyevin bu amili dövlət siyasətinin mühüm prinsipləri sırasına daxil etməsi, təhsil işçilərinə hərtərəfli qayğı dövlətin gələcəyini daha etibarlı və inamlı görmək əzmindən xəbər verir. Bugün ölkəmizdə heç bir dövrdə olmadığı qədər yeni məktəblər tikilib, əlavə korpuslar inşa olunub. İndi Azərbaycanda elə təhsil ocaqları var ki, dünyanın ən inkişaf etmiş ölkələrindəki məktəblərdən fərqlənmir, hətta onları üstələyir. Sevindirici hal bir də odur ki, bu proses respublikanın bütün bölgələrini əhatə edir. Azərbaycanın Birinci vitse-prezidenti xanım Mehriban Əliyevanın dövlətimizin bu fəaliyyət proqramına verdiyi dəstək isə öz mükəmməlliyi ilə seçilir. Heydər Əliyev Fondu ölkəmizdə məktəb tikintisində yaxından iştirakla yanaşı, həmin təhsil müəssisələrinin əyani vəsaitlər, şagirdlərin məktəb ləvazimatı ilə təminatında da mühüm rol oynayır. Yeni, müasir məktəblər, təhsil kompleksləri şagird kontingentinin təhsil şəraitini tamamilə dəyişir, tədrisin səviyyəsini yüksəldir. Bütün bu tədbirlər Prezident İlham Əliyevin "Uşaqlar yaxşı məktəblərdə oxumalı, müəllimlər də yaxşı məktəblərdə işləməlidirlər” fikrini reallığa çevirir.
YAP Sumqayıt şəhər təşkilatında İctiami-Siyasi fəallıqlarına görə və 5 oktyabr Beynəlxalq Müəllimər günü münasibətilə "Gənc Müəllimlər Şurasının” bir qrup təhsil işçisi təşkilatın sədri tərəfindən "Fəxri Fərmanla” təltif ediliblər.
Təltif olunan təhsil işçiləri aşağıdakılardır:
1. Abbasov Elman Akif oğlu
2. Əsədova Gülruh Mətləb qızı
3. Məmmədova Aidə Tahir qızı
4. Xudaverdiyeva Ceyhunə İsrafil qızı
5. Xəlilova Gülər İsrafil qızı
"Fəxri Fərman"ları YAP Sumqayıt şəhər təşkilatının sədri Ramiz Hüseynov təqdim edib.
Xəbərdən istifadə edərkən istinad etmək vacibdir.
