Sumqayıtda "Panda School” Məktəbəqədər hazırlıq bağçasının ikinci filialının açılış mərasimi keçirilib. Açılış rəmzini bildirən qırmızı lent kəsildikdən sonra tədbir iştirakçıları bağçada yaradılan şəraitlə tanış olublar. Bağçanın direktoru Elvin Dadaşov rəhbərlik etdiyi təhsil müəssisəsinin fəaliyyəti və xidmətləri haqqında tədbir iştirakçılarına məlumat verib.

E. Dadaşov bildirib ki, gələn ilin ilk ayında "Panda School”da sürətli hesablama dərsləri- TİAMO mental aritmetik proqramı tətbiq ediləcək: "Panda School ilə "Edupol Öğretim Kurum"ları MMC arasında 3 illik müqavilə imzalanıb. Müqaviləyə görə Panda School Tiamo-Mental Aritmetik - Sürətli hesablama proqramının Sumqayıt şəhər üzrə şöbəsi kimi tanınacaq.”

Qeyd edək ki, "Panda School” 2013-cü ildən məktəbəqədər hazırlıq sahəsində fəaliyyət göstərir. Bağçada Azərbaycan və rus bölmələri üzrə məktəbəqədər hazırlıq proqramı tətbiq olunur . Panda bağçasının məktəbəqədər hazırlıq proqramı peşəkar metodistlər tərəfindən Təhsil Nazirliyinin Məktəbəqədər Hazırlıq müəssisələrinin nümunəvi nizamnaməsinə uyğun olaraq hazırlanıb. 10 aylıq unikal proqram yalnız bu bağçaya məxsusdur. Məşğələlər yaş qrupları üzrə nəzərə alınıb. Kiçik yaş qruplarında dərslər qavrama səviyyəsinə uyğun olaraq nitqin açılmasına,əyləncəli oyunlarla zəkanın inkişafına, ətraf aləmlə,cəmiyyətlə tanışlığa, ingilis dilinin ilkin bazasının mənimsənilməsinə, musiqi, rəssamlıq və quraşdırma işinin mənimsənilməsinə yönəldilib. Yuxarı yaş qrupu isə məktəbə hazırlıq proqramı ilə dərs keçir.

Dərslər həftədə 3 dəfə 2 saat ərzində 25 dəqiqəlik məşğələlərlə keçirilir. Məşğələlərarası idman fasiləsi var.

Növbəti aydan "Panda School”da 1 illik TİAMO ENGLİSH –uşaqlar üçün ingilis dili danışıq dərsləri də keçiriləcək.

"Panda School”un missiyası bütün Azərbaycan regionlarına yayılmaq, dahi azərbaycanlıların formalaşmasında müəyyən rol oynamaqdır.

"Panda School” əsas mərkəz Sumqayıt şəhər Heydər Əliyev Prospekti, 19cu məhəllə, yeni tikilidə yerləşir. Əlaqə tel: 018 655 9161 070 6559161