Sumqayıt Şəhər Təhsil Şöbəsinin əməkdaşları və məktəb direktorlarının birgə iştirakı ilə növbəti virtual toplantı keçirilib.
Şöbədən Xeberle.com-a verilən məlumata görə, toplantıda mövcud pandemiya şəraiti ilə əlaqədar olaraq, növbəti həftədən etibarən tədrisin təşkili ilə bağlı yeni normaların tətbiqi, peyvəndləmə prosesinin gedişatı, eləcə də digər məsələlər müzakirə edilib.
İclasda aprel ayının 5-dən başlayacaq onlayn dərslərin Şöbənin əməkdaşları tərəfindən izlənilməsi, eləcə dərslərə nəzarətin gücləndiriıməsi iclas iştirakçılarının nəzərinə çatdırılıb. Həmçinin distant tədrisin gedişində şagirdlərin fənlərə olan marağının artırılmasında "Dərs vaxtı” teledərslərinin mühüm rolu qeyd olunub.
Növbəti müzakirə olunan məsələ- ümumi təhsil müəssisələrinin müəllim və texniki heyətinin, eləcə də valideynlərin peyvəndləmə prosesi olub. Sumqayıt məktəblərində bu prosesin gedişatı müzakirə olunub və peyvəndləmənin vacibliyi, təhsil prosesinin səmərəli təşkili üçün müəllim, o cümlədən texniki heyətin peyvəndləmə prosesində iştirakının vacibliyi vurğulanıb, direktorlara bu proseslə bağlı təbliğatın daha da gücləndirilməsi tapşırılıb.
Xəbərdən istifadə edərkən istinad etmək vacibdir.
