Sumqayıtda Kenquru Beynəlxalq Riyaziyyat Müsabiqəsi keçirilib. Bunun üçün şəhərin üç məktəbində mərkəzlər yaradılıb.
Xeberle.com xəbər verir ki, bu haqda Azərbaycan Respublikasının Təhsil İnstitutu məlumat yayıb.
Müsabiqə 12, 16 və 22 nömrəli tam orta məktəblərdə təşkil olunub.
Yarışmada iştirak etmək üçün 14 minə yaxın şagird qeydiyyatdan keçib. Nəticələr 21 noyabr tarixinə qədər ttm.edu.az saytında yerləşdiriləcək. 1-ci, 2-ci və 3-cü yerləri tutmuş şagirdlər diplom və medal ilə təltif ediləcək, digərlərinə isə iştirak sertifikatı təqdim olunacaq.
Müsabiqə hər il Sərhədsiz Kenquru Assosiasiyasının razılığı ilə dünyanın 80-dən çox ölkəsində təşkil olunur.
Xəbərdən istifadə edərkən istinad etmək vacibdir.
