Xeberle.com-un məlumatına görə, yataqxana binasının artıq daxilində son tamamlama işləri aparılır.  Yataqxana müasir standartlara uyğun layihələndirilib və tələbələrin rahatlığını təmin etmək üçün burada hər cür şərait yaradılıb.  Beşmərtəbəli binanın birinci mərtəbəsində əsasən inzibati hissə yerləşir. Ümumilikdə bina 250 nəfər tələbə üçün nəzərdə tutulub. Hər mərtəbədə 60 otaq yerləşir. Hər otaqda isə 3 nəfər tələbənin qalmaq imkanı olacaq. Otaqlar çarpayılarla, dolablar və şkaflarla da təmin olunub. Binada təhlükəsizlik sistemi, vahid internet və server otağı da inşa olunub.  Tələbə yataqxanasında kitabxana, camaşırxana, yeməkxana, qonaqlar üçün otaqlar və tələbələrin asudə vaxtının keçirilməsi üçün istirahət guşəsi də yaradılıb. 

Binada müasir istilik və su sistemləri, eləcə də yanğın təhlükəsizliyi sistemi quraşdırılıb, yaşayış və məişət otaqları zəruri avadanlıqlarla təchiz edilib.

Yataqxana binasına bir neçə istiqamətdən giriş mümkün olacaq. Binada oğlan tələbələrlə yanaşı, qız tələbələrin də qalmaq imkanı olacaq. Belə ki, 2-3-cü mərtəbələr oğlan tələbələr üçün, 4-5-ci mərtəbələr isə tələbə qızlar üçün nəzərdə tutulub. 

Tələbə yataqxanasının həyətyanı sahsəində də abaqlıq işlərinə start verilib. Asfalt örtüyü döşənib və yaşıllıq zolağının salınması istiqamətində işlər də görülür. 

Eyni zamanda, yataqxana həyətində idman meydançası da yaradılacaq. 

Xatırladaq ki, yataqxanasğ binası 1971-ci ildə inşa olunub və 1992-ci ilə kimi tələbələrə xidmət edib. 1992-ci ildən etibarən binada məcburi köçkün ailələri məskunlaşıb. Məcburi köçkün ailələri evlə təmin olunduqdan sonra binada əsaslı təmir işlərinə başlanılıb.