Xidmət Sahələri üzrə Sumqayıt Dövlət Peşə Təhsil
Mərkəzində Xocalı soyqıqırımının qurbanlarının xatirəsi yad edilib.
Xidmət Sahələri üzrə Sumqayıt Dövlət Peşə Təhsil
Mərkəzində Xocalı soyqırımının 30-cu ildönümünə həsr edilmiş "Xocalı -30"
adı altında dəyirmi masa keçirilib.
Tədbirdə mərkəzin direktoru Gülşən Ömərova, tarix müəllimləri Akif Kazımov, Təranə Namazova iştirak ediblər. Tədbir
soyqirim qurbanlarının xatirəsinin bir dəqiqəlik sükutla yad edilməsi ilə
başlayıb.
Dəyirmi masada məruzəçi - mərkəzin tarix
müəllimi Akif Kazımov Xocalı soyqırımı haqqinda tələbələrə məruzə edib , XX
əsrin ən dəhşətli faciələrindən biri olan Xocalı soyqırımını bəşəriyyətə və
insanlığa qarşı törədilmiş ağır cinayət olduğunu bildirib, bu soyqırımın
yaddaşlarda silinməz iz buraxdığını qeyd edib.
Akif Kazımovun çıxışından sonra hadisələrin
mahiyyətini əks etdirən videoçarx nümayiş olunub, mərkəzin tələbələri Xocalı
faciəsinə həsr edilmiş şeirlər səsləndiriblər.
Sonda Gülşən Ömərova tələbələrlə diskussiya
apararaq, onlara bu tədbirdən necə faydalandıqları haqqında suallar ünvanlayıb.
44 günlük Vətən müharibəsinin xalqımız üçün qürurlu bir tarix olduğunu
vurğulayan Gülşən Ömərova, bununla yanaşi tələbələrimizə erməni vəhşiliklərini
unutmamağı da tövsiyə edib.
Xəbərdən istifadə edərkən istinad etmək vacibdir.
