Xidmət Sahələri üzrə Sumqayıt Dövlət Peşə Təhsil Mərkəzinin Fəaliyyət Planına əsasən tələbələrin fərdi psixoloji xüsusiyyətlərinin, meyl və maraqlarının, onların təlim-tərbiyəsində və sosiallaşmasında yaranan çətinliklərin səbəblərinin müəyyənləşdirilməsi, psixoloji davranışında, təhsil mühitinə və kollektivə uyğunlaşmasında, əhatə olunduğu insanlara qarşı münasibətlərində müşahidə edilən çətinliklərin, riskli davranışlara, zərərli vərdişlərə aludəçiliyin vaxtında aşkar edilərək aradan qaldırılması istiqamətlərində qabaqlayıcı tədbirlər həyata keçirilir.
Xidmət Sahələri üzrə SDPTM və Gənclərin İnkişaf və Karyera Mərkəzinin təşkilatçılığı ilə Heydər Əliyev Mərkəzində həyata keçirilən "Depressiya və onun sosial-psixoloji səbəbləri" adlı maarifləndirici təlimdə mərkəzin risk qrupuna aid olan tələbələri iştirak ediblər.
Təlimçi - "Loqos" psixoloji mərkəzinin klinik psixoloqu Şahin Əliyev çıxış edərək, müasir dünyada cəmiyyətdə baş verən, günü-gündən getdikcə artan depressiya hallarının baş vermə səbəblərindən və bu problemin həlli yollarından danışıb. Problemin köklərini araşdıran psixoloq, depressiyaya aparan amillərin sosial səbəblərinin aradan qaldırılması yollarını təhlil edib.
Təlim gənclərin özünə inam hissi, komplekslər, depressiya ilə bağlı sualları ətrafında qarşılıqlı diskussiya şəraitində davam edib.
Xəbərdən istifadə edərkən istinad etmək vacibdir.
