Sumqayıt şəhər Gənclər və İdman Baş İdarəsinin və Təhsil Şöbəsinin birgə təşkilatçılığı ilə 18, 21 aprel 2022-ci il tarixlərində 1, 3, 11 və 12 saylı tam orta məktəbin IX-XI sinif şagirdlərinin iştirakı ilə İqtisadi Zonaların İnkişafı Agentliyinin nəzdində Sumqayıt Peşə Təhsil Mərkəzinə növbəti ekskursiyalar təşkil edilmişdir.
Məqsəd şagirdləri Təhsil Mərkəzində yaradılmış şərait və oradakı fəaliyyət ilə tanış etmək, onlarda əməyə münasibətin formalaşmasına, o cümlədən, istehsalat, texnika və texnologiyalarla tanış olmasına, gələcək peşə seçiminə və müxtəlif peşələrə maraq yaratmaqdır.
Ekskursiya zamanı şagirdlər Peşə Təhsil Mərkəzində öyrədilən müxtəlif peşə sahələri ilə tanış olmuş, əyani olaraq dərs prosesində iştirak etmişlər. Mərkəzin direktor müavini Anar Allahverdiyev və digər müəllimlər tərəfindən peşə təhsilinin əhəmiyyəti və gələcək prespektivləri haqqında şagirdlərə ətraflı məlumat verilmişdir.
Ekskursiya məktəblilərdə xoş təəssürat yaratmaqla yanaşı, onlarda gələcəkdə peşə təhsilinə böyük maraq oyatmışdır.
Sonda şagirdləri maraqlandıran suallar cavablandırılmışdır
Xəbərdən istifadə edərkən istinad etmək vacibdir.
