Bakı Slavyan Universitetində "İnnovasiya və Texnologiya üzrə" Rektor Müşavirliyinin və "Gənclərin Töhfəsi" İctimai Birliyinin birgə təşkilatçılığı ilə "Vətənpərvərlik” mövzusunda tədbir keçirilib.  Xeberle.com-a verilən məlumata görə, tədbirdə  "Azərbaycan bayrağı" ordenli qəhrəman İbad Hüseynov, Bakı Slavyan Universitetinin (BSU) rektoru Asif Hacıyev, "Gənclərin Töhfəsi" İctimai Birliyinin sədri Asim Vəliyev, ”Kempo " federasiyasının prezidenti Rauf İbrahimli, tanınmış bədii qiraətçi Ağalar Bayramov, HHQ komandiri Seymur İsayev, Qarabağ qaziləri və  ziyalılar iştirak ediblər.
Tədbiri giriş sözü ilə açan BSU-nun rektoru Asif  Hacıyev  gənclərin vətənpərvərlik ruhunun və milli mənəvi dəyərlərin aşılanmasında böyük rolu olduğunu bildirib.  "Gənclərin Töhfəsi" İctimai Birliyinin sədri Asim Vəliyev qeyd edib ki, bu kimi  tədbirlər gənclərin maarifləndirilməsi və vətənpərvərlik ruhunun artmasına kömək olmaqla yanaşı, Qarabağ həqiqətləri haqqında dünya ictimaiyyətinin daha çox məlumatlandırılması istiqamətində Azərbaycan dövlətinin apardığı mühüm işlərə töhfə verəcək. Diqqətə çatdırılıb ki, ümummilli lider Heydər Əliyev 1993-cü ildə siyasi hakimiyyətə qayıtdıqdan sonra erməni millətçiləri tərəfindən xalqımıza qarşı həyata keçirilən etnik təmizləmə, soyqırımı və təcavüzkarlıq siyasətinin əsl mahiyyəti açıqlandı, bu hadisələrə siyasi-hüquqi qiymət verildi.
Sonra isə vətənpərvərlik ruhunda ifalar səsləndi, qonaqlara təşəkkürnamələr və fəxri diplomlar verildi.
Xeberle.com