Sumqayıtda məktəb direktoru işdən azad edilib.
Xeberle.com-un məlumatına görə, Sumqayıt şəhər 11 nömrəli orta məktəbin direktoru İlahə Həsənli tutduğu vəzifədən azad olunub.
Abşeron-Xızı Regional Təhsil İdarəsindən Xeberle.com-a məlumatı təsdiq ediblər. Bildirilib ki, müqavilə müddəti bitdiyinə görə İ. Həsənlinin direktorluğuna xitam verilib.
Direktor vəzifəsinin müvəqqəti icrası isə Abşeron-Xızı Regional Təhsil İdarəsinin əməkdaşı Adil Qurbanova tapşırılıb.
Xədicə Səxavətqızı
Xəbərdən istifadə edərkən istinad etmək vacibdir.
