Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin "2022 -ci il kiçik qrant müsabiqəsi”nə təqdim olunan layihəmiz "Qarabağa qayıdış” təşəbbüs qruplarının hazırlanması adlanır.
Sosial İqtisadi İnkişaf Uğrunda İctimai Birlik sentyabr ayının birindən etibarən adı çəkilən layihənin icrasına start verib. Layihənin ikinci görüşü Xidmət Sahələri üzrə Sumqayıt Dövlət Peşə Təhsil Mərkəzində baş tutub.
Dəyirmi masa formatında baş tutan görüşdə SİİUİBin sədri Sevda Mammadova, Yeni Azərbaycan Partiyasının Sumqayıt şəhər təşkilatının sədr müavini Emin Əli, Abşeron - Xızı Regional Təhsil İdarəsinin əməkdaşı Cəmilə Fəyaz, mərkəzin direktoru Gülşən Ömərova və keçmiş məcburi köçkün və şəhər sakinlərindən ibarət tələbələr iştirak ediblər.
Öncə Vətən uğrunda canlarını qurban vermiş şəhidlərimizin əziz ruhu ehtiramla yad edilib.
Layihənin məqsədi və mahiyyəti haqqında məlumat verildikdən sonra "Qarabağa qayıdışın zəruriyyəti" mövzusu ətrafında debat təşkil edilib.
Debata əsasən bəlli olub ki, 30 ilə yaxın bir dövrdə dədə-baba torpaqlarından qaçqın və didərgin düşən insanların (tələbələr və ailələri) bir qismi geriyə getməyə hazır deyil. Tələbələr bəzi insanların yaşlanmasını və tək yaşamaq iqtidarında olmadıqlarını vurğulayıblar. Gənclərin çoxu asudə vaxtın keçirilməməsindən və onlara aid iş sahələrinin kifayət qədər olmamasından narahatdırlar. Bəzi tələbələr müharibənin fəsadlarının tam aradan qaldırılmadığını və yenidən erməniləri görmək istəmədiklərini bildiriblər. Onlar həm də minalara düşmək kimi qorxu yaşayırlar.
Uç saat çəkən müzakirələrdən sonra tərəflər öz aralarında konsensusa gəliblər və eyni nəticə əldə ediblər. "Biz Qarabağa Mütləq Qayıtmalıyıq!"
Xəbərdən istifadə edərkən istinad etmək vacibdir.
