İqtisadi Zonaların İnkişafı Agentliyinin nəzdində Peşə Təhsil Mərkəzində 19 mart 2024-ci il tarixdə xalqımızın qədim və ən əziz bayramlarından biri olan Novruz bayramı münasibəti ilə təntənəli bayram tədbiri keçirildi. Tədbirdə İqtisadi Zonaların İnkişafı Agentliyi nəzdində Peşə Təhsil Mərkəzinin Direktoru Kənan Bağırov öz çıxışı zamanı Novruz Bayramının xalqımızın mədəniyyətini və milli-mənəvi dəyərlərini özündə əks etdirdiyini vurğuladı, tələbələri və Mərkəzin kollektivini bayram münasibəti ilə təbrik etdi.
Mərkəzin sosial-ictimai həyatında fəal iştirak edən tələbələrə tədbir zamanı sertifikatlar və təşəkkürnamələr təqdim olundu, Mərkəzin tələbələrinin çıxışlarından ibarət bayramla bağlı bədii kompozisiyalar, rəqs və mahnılar təqdim edildi.
Xəbərdən istifadə edərkən istinad etmək vacibdir.
