Sumqayıtda "Yaşıl dünya naminə həmrəylik ili” çərçivəsində növbəti tədbir keçirilib. Olimpiya İdman Kompleksində "Greenwich academy”nin rəhbəri, ingilis dili müəllimi Vəfa Əmirahovanın təşkilatçılığı ilə ətraf mühitin mühafizəsinə həsr olunmuş "Save environment” adlı yarışda 25 şagird qüvvəsini sınayıb. Onlar 4 komandaya - "Earth”, "White Tiger” "Magnolia” və "Oxygen adlı – bölünərək yarışıblar.
Uşaqlar ətraf aləmin qorunmasının vacibliyi haqqında çıxışlar edərək müxtəlif layihələr təqdim ediblər. Şagirdlərin çıxışlarını Azərbaycan Dillər Universitetinin Filologiya fakültəsi nəzdində Xarici dillərin tədrisi metodikası kafedrasının Pedaqogika üzrə fəlsəfə doktoru, dosent Mehparə Qəribova, həmin universitetin Təhsil-1 fakültəsi nəzdində Xarici dillərin tədrisi metodikası kafedrasının baş müəllimləri Vüsalə Əliyeva və Ülker Qəribovadan ibarət peşəkar münsif heyəti qiymətləndirib.
Sonda komanda üzvlərinə təltifnamələr verilib, qalib komandanın şagirdlərinə isə hədiyyələr təqdim olunub.
Xəbərdən istifadə edərkən istinad etmək vacibdir.
