İqtisadi Zonaların İnkişafı Agentliyinin nəzdində Peşə Təhsil Mərkəzi ilə İstanbul Gedik Universiteti və Gedik Holdingin nümayəndələri arasında 12 Fevral 2025-cü il tarixində görüş keçirilib. Görüşdə Peşə Təhsil Mərkəzinin əməkdaşları, "İstanbul Gedik Universiteti”-nin rektoru Prof. Dr. Ahmet Kesik və Gedik Azərbaycan şirkətinin direktoru Taleh Salmanov iştirak edib.
Görüş zamanı Peşə Təhsil Mərkəzinin direktoru Kənan Bağırov qonaqları salamlayıb və Mərkəzin fəaliyyəti ilə bağlı onlara geniş məlumat verib. Görüşdə təlim-tədris prosesində müasir yanaşmaların tətbiqi, müxtəlif sahələr üzrə ixtisaslı kadrların hazırlanması və onların işlə təmin edilməsi ilə bağlı müzakirələr aparılıb. Həmçinin, müəllim-pedaqoji heyətin bilik və bacarıqlarının təkmilləşdirilməsi, əmək bazarının tələbinə yönəlik müxtəlif təlimlərin keçirilməsi, təhsil sahəsində birgə proqramların icra edilməsi imkanları müzakirə edilib.
Xəbərdən istifadə edərkən istinad etmək vacibdir.
