Xeberle.com-un məlumatına görə, Sumqayıtda aparılan kadr islahatları davam edir. Bu dəfə təhsil müəssisələrində dəyişiklik baş verib. Belə ki, 11 saylı "Günəş” uşaq bağçasının müdiri Nərgiz Səlim qızı Əliyeva tutduğu postla vidalaşmalı olub. Məlumata görə N. Əliyeva öz ərizəsi ilə işdən çıxıb.

Sumqayıt şəhər 11 saylı orta məktəbin direktoru, "Şöhrət" ordenli Ofelya Babayeva, 27 saylı məktəbin direktoru Əlifxan Məmmədov və 40 saylı məktəbin direktoru Ofeliya Quliyevanın da işdən çıxarılması ilə bağlı məlumat yayılıb.
Məsələ ilə bağlı Sumqayıt şəhər təhsil şöbəsi ilə əlaqə saxladıq. Təhsil şöbəsindən Xeberle.com-a bildirdilər ki, məktəb direktorlarının işdən çıxarılması ilə bağlı yayılan məlumat həqiqəti əks etdirmir: "Yalnız 11 saylı bağçanın müdiri öz ərizəsi ilə işdən azad olunub. Məktəb direktorlarına gəldikdə isə onlar öz işlərini davam etdirirlər. Yayılan məlumatlar həqiqətəuyğun deyil."

Xeberle.com