Sumqayıt Dövlət Universitetində (SDU) Ritorika Universal Klubunun təşkilatçılığı ilə "Uğur Üçbucağı-MİM” adlı təlim təşkil olunub. Əvvəlcə Ritorika Universal Klubun yaranma tarixi, məqsədi,fəaliyyət sahələri haqqında məlumat verilib.

"Uğur Üçbucağı-MİM” adlı təlim Ritorika Universal Klubun keçmiş sədri, Bərdə şəhərində təsis olunan "Uğurlu İdeyalar Akademiyası”İctimai Birliyinin təsisçisi,SDU-nun məzun tələbəsi Arzu Nəbizadə tərəfindən keçirilib.

Təlimin fəxri qonağı olan SDU-nun rektoru, professor Elxan Hüseynov tələbələrə klubun fəaliyyətindən, əsl Azərbaycan gənci adına layiq bir şəxsiyyət kimi formalaşmasında böyük rol oynayacağından danışıb. Gənclərin prezidentin ətrafında sıx birləşməsi üçün intellektual, savadlı, öyrədici mühitin çox böyük əhəmiyyətinin olduğunu qeyd edən professor Elxan Hüseynov universitetin Ritorika Universal Klubunun bu sahədə təqdirəlayiq işlərini yüksək qiymətləndirib.

Təlimdə Tədris Metodiki Mərkəzin direktoru İsabala Qurbanov, Riyaziyyat fakultəsinin dekanı, dosent Zəfər Hüseynov və rektorun köməkçisi Faiq Şirinov iştirak ediblər.

Təlimdə gənclərə Motivasiya-İnam-Məqsəd üçlüyünün əmələ gətirdiyi üçbucağın Uğur Üçbucağı ola biləcəyindən, motivasiyanın insanı hərəkətə gətirən daxili enerji olmasından,inam sayəsində o enerjini istədiyimiz yönə istiqamətləndirə biləcəyimizdən (nəyə inanrsanızsa o olar), motivasiya və inam vasitəsilə məqsədə çatıb uğur əldə edə biləcəyindən danışılıb.

Sonda iştirakçılar onlara paylanan rəngli kağızlarda təlim haqqında təəssüratlarını qeyd ediblər.