"Diaqnostik qiymətləndirilmədən keçən müəllim iş yerini diaqnostik qiymətləndirmə keçirilməyən rayona dəyişibsə, onun maaşı köhnə qaydada hesablanacaq”.
Bunu AzVision.az-a açıqlamasında Təhsil Nazirliyinin İnsan resursları şöbəsinin müdir müavini Eşqi Bağırov deyib.
Nazirlik rəsmisi qeyd edib ki, bunun səbəbi müəllimin iş yerini dəyişdiyi rayonun diaqnostik qiymətləndirmədən keçməməsidir. "Çünki həmin rayonun mühasibatlığı yeni qaydalar və cədvələ uyğun əmək haqqını hesablayıb, bunu bir müəllimə verə bilməz. Amma orada diaqnostik qiymətləndirmə keçiriləndə müəllim imtahandan azad olunacaq”.
E.Bağırov bildirib ki, əgər müəllim diaqnostik qiymətləndirmədə iştirak etməyib və diaqnostik qiymətləndirmə keçirilən rayona iş yerini dəyişib, ya da təzə işə qəbul olunubsa, onun əmək haqqısı köhnə qayda ilə aparılacaq.
"Yeni müəllimlər işə qəbul olunur və ya iş yerini dəyişdirir. Diaqnostik qiymətləndirmə keçirilən rayon və şəhərlərdə müxtəlif səbəblərdən imtahanda iştirak etməyən, işə yeni qəbul olunan və iş yerini dəyişdirən müəllimlər üçün imtahan keçirməyi planlaşdırırıq.
Məsələn, Gəncədə diaqnostik qiymətləndirmə keçirilib və bəzi müəllimlər müxtəlif səbəblərdən iştirak etməyib. Eyni zamanda yeni müəllimlər işə götürülüb və ya iş yerini dəyişdirib. Gəncəyə yaxın, diaqnostik qiymətləndirmə keçirilməyən rayonda, məsələn Goranboy rayonunda imtahan olanda həmin müəllimlər də ora çağılrılacaq. Ondan sonra həmin müəllimlərin əmək haqqısı artırılacaq”.
Xəbərdən istifadə edərkən istinad etmək vacibdir.
