Valideynin ailə tərbiyəsi prosesində uşaqların fiziki sağlamlığının əsası qoyulur.Onlarda təbiət,cəmiyyət,ictimai münasibətlər haqqında təsəvvürlər yaranır və s.Valideyn ailədə uşağa onun anadan olduğu ilk gündən tərbiyəvi təsir göstərir.Həmin tərbiyəvi təsir uşağın məqsədyönlü formalaşması prosesini təşkil edir.Bu prosesdə valideynin uşağa göstərdiyi ehtiram,hörmət,məhəbbət ata-ananın havadarlığını,qayğılarını da özündə birləşdirir,ailə məhəbbətini,uşağa valideyn məhəbbətini möhkəmləndirir.Uşağa valideyn məhəbbətini heç nə əvəz edə bilməz. Məhz buna görə də ölkəmizdə valideynin rolu dövlət əhəmiyyətli zəruri iş səviyyəsinə qaldırılmışdı;onun mənafeyi qanunvericiliklə mühafizə olunur və mənəvi normalarla tənzim edilir.
Müasir qabaqcıl məktəblər ailələrlə canlı əlaqəyə xüsusi diqqət yetirilir.Onlar valideynlərlə işi qarşılıqlı əlaqə şəraitində və müəyyən sistemlə aparırlar.Valideynlərin ümumməktəb iclaslarından  və konfranslarından,sinif valideyn iclaslarından,valideynlərlə fərdi və kollektiv söhbətlərdən istifadəyə xüsusi diqqət yetirir.Belə tədbirlərdə uşaqlarda zəruri mədəni davranış vərdişlərinin tərbiyə edilməsi,təlim əməyinə  düzgün münasibətin,kitaba marağın formalaşdırılması kimi məsələlər müzakirə edilir.Məktəblərdə valideynlər üçün açıq qapı günləri keçirilir.Həmin məktəbin direktorları,pedaqoji kollektivləri,valideyn komitələri şagirdlərin təlim keyfiyyətini yüksəltmək məqsədi ilə ailə və məktəbin qarşılıqlı münasibətlərini yüksək ideya və mənəvi əsasda təşkil edirlər.Valideynlərlə canlı əlaqə məktəblərin çoxcəhətli həyatını daha da zənginləşdirir.Pedaqoji kollektivlər hər bir ailədə hökm sürən mikromühiti yaxından öyrənib,işdə nəzərə alırlar.Bunun təlim tərbiyə işinə böyük təsiri var.Valideynlərin müəllim əməyinə ehtiram münasibətlərini,müəllimin tövsiyələrinə diqqət yetirmələri həm ailənin,həm də məktəbin tərbiyə imkanlarını gücləndirir.Məktəbin və ailənin məqsədi birdir:şagirdləri bilikli,bacarıqlı,əməksevər gənc vətəndaşlar kimi yetişdirmək.Ayrılıqda nə məktəb,nə də ailə həmin məqsədə nail ola bilməz.Ona görə də hər bir ailənin məktəblə əməkdaşlığı,məktəbin də hər bir ailə ilə sıx əlaqəsi məktəb-ailə tərbiyəsini dərk edilən və düzgün qoyulan vəzifələrini müvəffəqiyyətlə yerinə yetirmək üçün ən zəruri şərtdir.
     Məlum olduğu kimi,şagirdlərin valideynlər ilə işin,əsasən,məktəbin pedaqoji kollektivi və valideyn komitəsi aparır.Həmin işdə müvəffəqiyyət qazanılması məktəb ditektorunun rəhbərlik bacarığından da xeyli asılıdır.
     Şagirdlərin valideynləri ilə daim əlaqə saxlanması sinif rəhbərlərinin əsas işlərindən biridir.Həmin əlaqə şagirdlərin tərbiyəsində məktəb və ailənin birliyini təmin etməyə imkan verir.Sinif rəhbərləri valideynlərlə,əsasən,aşağıakı əlaqə formalarından istifadə edirlər:
     1)tərbiyə məsələri ilə bağlı valideynlərin məktəbə çağırılması;
     2)ailələrə gedilməsi;
     3)sinif valideyn iclaslarının,valideyn konfranslarının təşkil olunması,ailə tərbiyəsi üzrə təcrübə mübadiləsi məqsədi ilə valideynlərlə görüşlər keçirilməsi;
     4)fəal valideynlərin müxtəlif sinifdənxaric tədbirlərin keçirilməsinə (valideyn komitəsinin işində iştirak etməklə )cəlb edilməsi;
     5) « çətin tərbiyə olunan »şagirdlərin valideynləri ilə fərdi söhbətlərin keçirilməsi;
     6)valideynlərin işlədikləri müəssisələrin ailəyə və məktəbə yardım şuraları ilə canlı və işgüzar əlaqə yaradılması;
   Bu formalardan ustalıqla istifadə edən sinif rəhbərləri istər təlim-tərbiyənin,istərsə də nizam intizamın yüksəldilməsində yaxşı nəticələr əldə edirlər.
    Müasir məktəb direktoru sinif rəhbərlərinə əməli və nəzəri-metodik kömək etməyə borcludur.O,sinif rəhbərlərinin işinə rəhbərlikdə müxtəlif formalardan istifadə edir.Məsələn,sinif rəhbərlərlərinin metodbirləşmə iclaslarını təşkil etmək,onların diqqətini valideynlərlə işə aid yeni pedaqoji və metodik ədəbiyyatın öyrənilməsinə yönəltmək,sinif rəhbərləri ilə disputlar,yoldaşlıq müsahibəsi,fərdi söhbətlər keçirmək və s.
   Məktəbdə şagirdlərin valideynləri ilə nə kimi işlər aparıldığını  öyrənmək üçün sinif rəhbərləri ilə fərdi və kollektiv söhbətlər keçirilir.Həmin söhbətlərdə iştirak edən sinif rəhbərlərinin,xüsusən,gənc sinif rəhbərlərinin fəaliyyəti ilə ətraflı tanışlıq işdəki nöqsanların aradan qaldırılması üçün yollar aramağa şərait yaradır.
   Ümumiyyətlə,təcrübə göstərir ki,fərdi və kollektiv iş formalarından istifadə direktora sinif rəhbərlərinin şagirlərin valideynləri ilə işinə düzgün və konkret rəhbərlik etmək,bu sahədə müntəzəm nəzarəti həyata keçirmək,habelə qabaqcıl təcrübəni öyrənmək və yaymaq imkanı verir.
    Məktəbin valideyn  komitəsinə ümumi rəhbərliyi məktəb direktoru həyata keçirir.Direktor valideyn komitəsinin tərkibinə öz uşaqlarını nümunəvi tərbiyələndirən ,məktəbə və valideynlərə kömək etməkdə faydalı fəaliyyəti genişləndirməyə qabil olan valideynlərin seçilməsinə diqqət göstərilməlidir.Direktor yeni seçilən komitənin üzvlərinə və onun daimi komissiyaları sədrlərinə əməli köməklik göstərib,onların fəaliyyətlərini istiqamətləndirməlidir.O,komitə üzvlərinə və komissiya sədrlərinə valideynlərlə,ictimaiyyətlə,habelə şagirdlərlə aparılacaq işlərin məzmununun,forma və üsullarının müəyyənləşdirilməsində yaxından iştirak etməli ,valideyn komitəsinin illik və yarımillik iş planının yerinə yetirilməsinə nəzarət edib onların hesabatını dinləməli,komitəyə onun daimi komissiyalarının işinə təcrübəli müəllimləri cəlb etməlidir.
   Təcrübəli məktəb direktoru valideyn komitələrinə rəhbərlik işinə məsuliyyətlə yanaşır,öz fikirlərini onlara heç vaxt zorla qəbul etdirmirlər.Əksinə,onlara müstəqillik verir,bütün məsələlərin komitədə fəal və işgüzar müzakirə olunmasına səy göstərir,komitənin yaxşı işini müzakirə edirlər.Bununla da valideyn komitəsinin fəaliyyətini inkişaf etdirməyə nail olurlar.
Ölkəmizdə ailə tərbiyəsi mədəniyyəti arasıkəsilmədən yüksəlir.Bu da özünü,hər şeydən əvvəl,yeni nəslin tərbiyəsində göstərir.Ümumiyyətlə,valideynlər uşaqların tərbiyəli,savadlı olmasını arzu edir,namuslu adam,əsl vətəndaş kimi görmək istəyirlər.Lakin bəzi valideynlər lazımı pedaqoji  biliklərə yiyələndiklərindən ,həyata düzgün yol tutmadıqlarından,sözü ilə işi düz gəlmədiyindən buna nail ola bilmir,ailə tərbiyəsində müəyyən nöqsanlara yol verir.Buna görə də qabaqcıl məktəblərin direktorları valideynlərin pedaqoji maarifinə çox böyük əhəmiyyət verirlər.Valideynlərin pedaqoji maarifinin məzmununu yaxşılaşdırmaq işində sinif rəhbərlərinin metodbirləşmələri mühüm rol onayır.
    Direktorlar və məktəblərin pedaqoji şuraları çalışırlar ki,valideynlər üçün oxunacaq mühazirələr yüksək səviyyədə olsun,lazımi pedaqoji hazırlığı olmayan valideynlər ailədə uşaqların tərbiyə edilməsinin üsulları ilə və pedaqoji biliklərlə silahlansın,bununla da məktəb və ailə tərəfindən uşaqlara tərbiyəvi təsirlərin vəhdəti təmin edilsin,valideynlər tərbiyə sənətinə yiyələnsinlər.
      Müasir məktəbin direktoru sinif rəhbərlərinin,valideyn komitəsinin təşkilatçısı və rəhbəri rolunda da çıxış edir.Məktəbyaşlı uşaqları məktəbə qəbul edərkən onların valideynləri ilə söhbət aparır,ümumməktəb valideyn iclaslarını  ,konfranslarını təşkil edir və keçirir,onlarda,mühazirələr oxuyur.Direktor tez-tez şagirdlərin valideynləri ilə fərdi və kollektiv söhbətlər də edir,bu kimi əlaqələri genişləndirir.
    Şagirdlərin valideynləri ilə direktorun bilavasitə işi məktəbin ailə ilə düzgün qarşılıqlı münasibətin təşkilinə zəmin yaradır.Bunun şagirdlərin müvəffəqiyyətli təlim-tərbiyəsi üçün əhəmiyyəti çoxdur.
     Direktorun şəxsi nümunəsi də bütün pedaqoji kollektivə,valideyn komitəsinə,valideyn fəallarına müsbət təsir göstərir,məktəbin valideynlərlə işini yaxşı qurmağa kömək edir.

Xəbərdən istifadə edərkən istinad etmək vacibdir.