Qərb Universitetində MBA proqramı üzrə təhsil alan magistrlar İsveçrənin Biznes və Beynəlxalq Tədqiqatlar Universitetindədirlər (UBIS).
Azərbaycanlı magistrlar burada Finance for International Business (Beynəlxalq Biznes üçün Maliyyə) istiqaməti üzrə təlimlərə qatılır, eyni zamanda beynəlxalq təşkilatlarda təcrübə keçirlər.
Məlumat üçün bildirək ki, Qərb Universiteti UBIS-lə birgə ikili diplom proqramı həyata keçirir. Proqram çərçivəsində dərslər Qərb Universiteti və UBIS-in professor-müəllim heyəti tərəfindən aparılır. Təhsil proqramının yekununda məzunlar hər iki universitetin magistr diplomlarını əldə edirlər.
Onu da xatırladaq ki, universitet magistr pilləsi ilə yanaşı bakalavr təhsil səviyyəsində də ikili diplomlar təqdim edir. Belə ki, Qərb Universiteti Avropanın nüfuzlu universitetləri ilə birgə həyata keçirdiyi tərəfdaşlıq layihələri çərçivəsində ikili diplomlar da təqdim edir. Belə ki, Universitet Böyük Britaniyanın "Koventri”, bu ölkənin Sinqapurda yerləşən "London Biznes və Maliyyə Məktəbi” və Çexiyanın "Newton College” Universiteti ilə birlikdə ikili diplom layihələrini həyata keçirir. Yəni tələbə təhsilin bir hissəsini Qərb Universitetində, bir hissəsini isə tərəfdaş universitetdə almaqla bir təhsil müddətinin sonunda iki diplom əldə edir.
Xəbərdən istifadə edərkən istinad etmək vacibdir.
