Bağçanın müdiri yaradılan şəraitin uşaqların tam şəkildə sağlam həyatını, bilikli və tərbiyəli şəxsiyyət kimi böyüməsini təmin etdiyini deyib.  O, müəllimlərin öz işlərini sevə-sevə və həvəslə yerinə yetirdiklərini tədbir iştirakçılarının diqqətinə çatdırıb:  "Bunun nəticəsi olaraq uşaqların müəllimlərə sevgisi məhz bütün kollektivə məxsusdur. Çünki hamı birlikdə yeganə məqsəd uğrunda çalışır və hər bir işdə bir-birinə yaxından kömək edir. Ümid edirik ki, çox mehriban, səmimi, tələbkar və kollektivin əməyi nəticəsində yetişən bilikli, dünyagörüşlü və tərbiyəli fidanlarla uğurlu gələcəyə addımlaya bilərik.”
Vurğulanıb ki, onların sağlam, firavan yaşaması və təhsilli böyümələri yalnız valideynlərin deyil, həm də dövlətin əsas vəzifələrindən biridir.
Tədbirdə uşaqların ifasında rəngarəng bayram proqramı təqdim olunub. Uşaqlar şeirlər söyləyib, mahnılar oxuyub, rəqs nömrələri nümayiş etdiriblər.

Xəbərdən istifadə edərkən istinad etmək vacibdir.