Müəllimlik dünyanın ən şərəfli peşələrindən biridir. Ailəmizdən sonra həyatımızda, təhsil, təlim və tərbiyəmizdə böyük rol oynayan bu dəyərli insanların bu gün peşə bayramıdır. Buna görə də Xeberle.com olaraq bugünkü müsahibələrimizi də müəllimlərə həsr etmək istədik. Növbəti həmsöhbətimiz Qubadlı rayon 4 saylı tam orta məktəbinin ən gənc müəllimi Rumiyyə Məmmədovadır. Rumiyyə müəllim ilə onun fəaliyyəti barədə söhbətləşdik.
-Bəli, bu il müəllim kimi fəaliyyət göstərməyimin  5-ci ilidir. Amma az müddətdə bir neçə məktəb dəyişmişəm. Əvvəlcə Ağcabədi rayon Nurəddin kənd tam orta məktəbində işləmişəm. Lakin uzaq olduğu üçün daxili yerdəyişmə ilə Biləcəri qəsəbəsi 13 nömrəli tam orta məktəbdə dərs deməyə başladım. Müəyyən müddət keçdikdən sonra yaşadığım yerdə işləməyin mənim üçün daha rahat olacağını düşündüm və hazırda işlədiyim yerə imtahan verərək qəbul oldum.
-Məlumdur ki, hazırda təhsil prosesi kurikulum üsulu ilə aparılır. Əslində bu yaxşıdır, bir cəhəti pisdir ki, 45 dəqiqə vaxt bəs etmir və şagirdlərin hamısı ilə məşğul olmaq mümkün olmur.
-Şəxsən öz adıma deyə bilərəm ki, bu vaxta qədər bir müəllim kimi mənə çox böyük qiymət verilib. İmtahanlara hazırlaşmışam, iştirak etmişəm və dövlətim mənim bu zəhmətimi qiymətləndirib. Buna görə də mən öz təşəkkürlərimi bildirirəm.
-Ən birinci öz ixtisaslarını mükəmməl bilmələrini tövsiyə edərdim. Bundan əlavə, bəzi müəllimlər var ki, zəif şagirdləri savadlılardan ayırır, yəni ayrı-seçkilik edir. Düşünürəm ki, bütün şagirdlərlə eyni qaydada işləmək lazımdır. Zəif şagirdlərlə əlavə məşğul olaraq onları da digərləri ilə eyni bilik səviyyəsinə gətirmək olar.
-Texnikanın inkişafı ilə əlaqədar olaraq indiki şagirdlər daha çox telefona, internetə meyl edirlər. Düzdür, internetin faydaları da var. Ondan xeyirli məqsədlər üçün də istifadə etmək mümkündür. Sadəcə şagirdin dərs öyrənməsi üçün ən çox da onun sağlamlığı baxmından kitabın daha yaxşı vəsait olduğunu düşünürəm.
-Mənim üçün ən böyük hədiyyə şagirdlərimin uğur, nailiyyət qazanmalarıdır. Çünki şagirdlərimin hər uğuru mənə sevinc bəxş edir.
-Rayon məktbində işləmək mənə təcrübə baxımından çox şey qazandırdı. Hətta indi də mənim müəllimim, öyrəndiklərim var. Ağcabədi rayon  Nurəddin kənd tam orta məktəbinin direktoru Cəbiyev Bakir müəllim çox sağ olsun məni öz övladı kimi qarşıladı, bilmədiyim şeyləri mənə öyrətdi. Buna görə də ona öz minnətdarlığımı bildirmək istəyirəm.
Elnarə Salamova
Xeberle.com

Xəbərdən istifadə edərkən istinad etmək vacibdir.