Günümüzdə hər
kəs gələcək inkişafı üçün dil öyrənməyin vacibliyini dərk edir. Buna görə də, ölkəmizin ümumtəhsil məktəblərində
ibtidai sinifdən başlayaraq bir və ya bir neçə xarici dil tədris olunur. Bəs
görəsən Sumqayıt məktəblərində şagirdlərə hansı xarici dillər öyrədilir?
Xeberle.com olaraq apardığımız
araşdırmadan məlum oldu ki, tədris dilindən asılı olmayaraq, Sumqayıtın bütün
ümumtəhsil məktəblərində şagirdlərə xarici dil öyrədilir.
Belə ki, ingilis dili bütün məktəblərdə, rus
dili 25, 41, 42 saylı, internat tipli
gimnaziya, İnteqrasiya təlimli internat tipli gimnaziyadan başqa bütün məktəblərdə
(bütün ümumtəhsil məktəblərinin 90 faizi), alman dili 1, 4, 5, 11, 12, 13, 14, 15, 17,19, 21, 23, 27,
33, 38, 39, 42, 43 nömrəli məktəblərdə ( bütün ümumitəhsil məktəblərinin 36
faizi), ərəb dili isə yalnız 14 saylı orta məktəbdə tədris olunur.
Qeyd edək
ki, Sumqayıt şəhərində 50 təhsil ocağı fəaliyyət göstərir.
Elnarə Salamova
Xeberle.com
Xəbərdən istifadə edərkən istinad etmək vacibdir.
