Qubadlı rayon Təhsil Şöbəsində "Fövqəladə
hallar uşaqların gözü ilə” mövzusunda Qubadlı rayon məktəbliləri arasında
keçirilmiş VII Ümumrespublika uşaq yaradıcılıq müsabiqəsi qaliblərinin
mükafatlandırılması mərasimi olub.
Tədbirdə Fövqəladə Hallar Nazirliyi
Sumqayıt Regional Mərkəzinin, Qubadlı rayon Təhsil şöbəsinin, KİV-lərin nümayəndələri,
məktəblərin direktor və müəllimləri, valideynlər iştirak ediblər.
Tədbirdə əvvəlcə Azərbaycan
Respublikasının dövlət himni səsləndirilib.
Mərasimdə bildirilib ki, Sentyabr-dekabr ayları ərzində keçirilmiş
müsabiqənin məqsədi uşaqlara təhlükəsiz həyat fəaliyyətinin əsaslarının
öyrədilməsi və mədəniyyətinin formalaşdırılması, istedadlı uşaqların üzə
çıxarılması və onlara dəstək verilməsi, yetişməkdə olan gənc nəslin
vətənpərvərlik ruhunda tərbiyəsi, fövqəladə hal probleminə ictimaiyyətin
diqqətinin yönəldilməsi olub.
Ölkənin bütün şəhər və rayonlarının
ümumtəhsil məktəblərinin iştirak etdiyi respublika uşaq yaradıcılıq müsabiqəsi
rəsm, plakat, əl işi, yanğın və qəza-xilasetmə texnikasının modeli, yumşaq
oyuncaq nominasiyalarında məktəb, rayon və ümumrespublika birinciliyi
mərhələləri üzrə keçirilib.
Sonra respublika uşaq yaradıcılıq
müsabiqəsində I yeri tutmuş uşağa fəxri fərmanlar və qiymətli hədiyyələr təqdim
olunub. Həmçinin rayon mərhələlərində ilk üç yeri tutmuş uşaqlara da fəxri
fərmanlar təqdim olunub.
Mükafatları Fövqəladə Hallar
Nazirliyi Sumqayıt Regional Mərkəzinin İctimaiyyətlə əlaqə və təbliğat
sektorunun rəhbəri Emin Ramazanov və Qubadlı rayon Təhsil şöbəsinin müdiri Fuad
Bədəlov təqdim ediblər.
Xəbərdən istifadə edərkən istinad etmək vacibdir.
