Sumqayıt şəhər 62
saylı Körpələr evi - uşaq bağçasında 31 dekabr – "Dünya Azərbaycanlılarının
Həmrəyliyi günü” və Yeni il münasibəti ilə bayram şənliyi keçirilib.
Tədbiri giriş sözü ilə açan bağçanın müdiri Vəfa Məmmədova balaca fidanları salamlayaraq uşaqlara can
sağlığı, gələcək təhsillərində müvəffəqiyyətlər arzulayıb, həmçinin onlara sağlam, xoşbəxt böyüməyi, Vətənin layiqli
övladları olmağı diləyib.
Natiq
cıxışında şəhərdə uşaq bağçalarına və uşaqlara
göstərilən diqqət və qayğıdan danışıb.
Sonra
çıxış edən Sumqayıt şəhər İcra hakimiyyətinin məsul işçisi Günel Qiyasova Dünya Azərbaycanlılarının Həmrəylik Gününün
bayram kimi geniş qeyd olunmasında ulu öndər Heydər Əliyevin tarixi rolunu
xatırladaraq, bu bayramın keçirilməsinin əhəmiyyətini diqqətə çatdırıb. O, Prezident
İlham Əliyevin rəhbərliyi ilə Sumqayıtda həyata keçirilən layihələrdən,
aparılan abadlıq-quruculuq işlərindən və əldə edilən uğurlardan bəhs edib.
Balaca fidanların
hazırladıqları müxtəlif rəqs nömrələri, Yeni ilə həsr olunmuş şeirlər, səhnəciklər
şənliyə xoş ovqat qatıb.
Tədbirin ən yadda qalan hissəsi isə "Şaxta baba” və " Qar qız "in səhnəyə daxil
olmasi olub.
Qeyd edək ki tədbirdə Sumqayıt şəhər icra
hakimiyyəti tərəfindən balacalara bayram sovqatı paylanılıb.
Xəbərdən istifadə edərkən istinad etmək vacibdir.
