Aprelin 4-dən yeni təhsil proqramları əsasında buraxılış və qəbul imtahanlarında istifadəsi planlaşdırılan qiymətləndirmə vasitələrinin hazırlanması və onların meyarlar üzrə yoxlanılmasına dair hazırlıq kursları fəaliyyətə başlayacaq.
Bu barədə Xeberle.com-a Dövlət İmtahan Mərkəzinin (DİM) mətbuat xidmətindən məlumat verilib.
Bildirilib ki, Mərkəzdə yeni təhsil proqramları (kurikulumlar) əsasında Azərbaycan dili, rus dili, ingilis dili, riyaziyyat, kimya, fizika, biologiya, tarix və coğrafiya fənlərindən buraxılış və qəbul imtahanlarında istifadəsi planlaşdırılan qiymətləndirmə vasitələrinin hazırlanması və onların meyarlar üzrə yoxlanılmasına dair hazırlıq kursları fəaliyyət göstərəcək.
 
Kurslarda müvafiq fənlər üzrə qeydiyyatdan keçmiş şəxslər iştirak edəcəklər. 
Hazırlıq kursları aşağıdakı qrafik üzrə fəaliyyət göstərəcək. 
Hazırlıq kurslarının qrafiki 
(2017/2018-ci tədris ili üçün)

№	Fənnin adı	Həftənin günü	Başlanma vaxtı
1	İngilis dili	I	0900
2	Azərbaycan dili	I	1500
3	Kimya	II	0900
4	Fizika	III	0900
5	Rus dili	III	1200
6	Biologiya	IV	0900
7	Tarix	IV	1100
8	Coğrafiya	V	0900
9	Riyaziyyat	V	1100

Xəbərdən istifadə edərkən istinad etmək vacibdir.