Yeni dərs
ilinin başlanması ilə əlaqədar olaraq məktəblərin
qarşısında və təhsil ocaqlarına gedən yollardainsanların sayı artdığından yollarda nəqliyyatın hərəkət intensivliyinin
də yüksələcəyi bildirilir. Belə hərəkət
zamanı yollarda təhlükəsizliyin təmin olunması məqsədilə Sumqayıt şəhər Polis
İdarəsinin Dövlət Yol Polisi şöbəsi hərəkət
iştirakçılarına müraciət edib.
Şöbənin təbliğat
inspektoru İsmayıl İsmayılov Xeberle.com-a açıqlamasında bildirib ki, sentyabrın 15-də piyadaların, həmçinin də nəqliyyatın
hərəkətində intensivlik artacaq: " Sürücülər
hərəkətin intensiv olduğu yerlərdə daha da diqqətli olmalıdırlar. Piyada keçidlərində
piyadalara yol verilməməsi, sürət həddinin aşılması təhlükəli hadisələrə
yol aça bilər. Bunun üçün də sürücülər ilə yanaşı piyadalar da yol keçərkən
ehtiyatlı davranmalıdırlar. Xüsusilə də ibtidai sinifə gedəcək uşaqların valideyinləri yolu keçərkən öz həyatlarını təhlükəylə
üzbəüz qoyacaq ehtiyatsızlıqlara yol verməsinlər. Hərəkətin intensiv olduğu magistral yollarda piyada keçidlərindən
istifadə etsinlər".
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
