Xeberle.com-un məlumatına görə, 15 mindən artıq şagird arasında keçirilən bilik yarışmasında Sumqayıt şəhər Sumqayıt Texniki və Təbiət elimlər Liseyinin şagirdləri qazandıqları qızıl medalların sayına görə müsabiqənin qalibi olublar.

Liseyin direktoru Rüxsarə Məmmədova Xeberle.com-a açıqlamasında bildirib ki, müsabiqədə rəhbərlik etdiyi təhsil ocağının şagirdləri 3 qızıl medal qazanıblar: " 6-7 ci siniflər arasında keçirilən müsabiqədə Nihad Məmmədli və Cəlil İracov biologiya fənni üzrə, İsmayıl Mütəllimli isə riyaziyyat fənni üzrə qızıl medala layiq görülərək oxuduqları liseyin adını birincilik sırasına yazdırmağı bacarıblar".

Qeyd edək ki, bu birincilik təhsil ocağı üçün ilk uğur deyil, bundan öncəki illərdə də keçirilən müsabiqələrdə TTEL dəfələrlə göstərdiyi nəticələrlə digər iştrakçı məktəblərdən öndə olmağı bacarıb.

Xatırladaq ki, IV Respublika fənn müsabiqələri riyaziyyat, fizika, kimya, biologiya və informatika fənləri üzrə VI-VII sinif şagirdləri arasında iki mərhələdə keçirilib. Müsabiqələrin rayon (şəhər) mərhələsində 15232, final mərhələsində isə 1363 şagird iştirak edib. Müsabiqənin nəticələrinə əsasən, ümumilikdə 169 nəfər qalib elan olunub. Onlardan 30 nəfər qızıl, 56 nəfər gümüş, 83 nəfər isə bürünc medal qazanıb.

Xədicə Səxavətqızı

Xeberle.com