Sumqayıt Dövlət Universitetində hava şəraiti ilə əlaqədar imtahanların vaxtı dəyişdirilib.
Bu barədə Sumqayıt Dövlət Universitetinin (SDU) Mətbuat katibi Nazxanım Cəlilli Xeberle.com-a açıqlamasında deyib: "Təhsil naziri Ceyhun Bayramov Nazirlər Kabinetinin 2019-cu il 16 yanvar tarixli sərəncamının icrasını təmin etmək məqsədi ilə "Təhsil müəssisələrində təlim-tərbiyə prosesinin dayandırılması barədə” əmr imzalayıb. Əmrə əsasən, hava şəraitinin kəskin pisləşəcəyi ilə əlaqədar olaraq 2019-cu il yanvarın 17-si və 18-i respublika ərazisində fəaliyyət göstərən bütün təhsil müəssisələrində təlim-tərbiyə prosesi dayandırılır və bununla bağlı bütün tədbirlər təxirə salınır. Əmrə uyğun olaraq Sumqayıt Dövlət Universitetinin rektoru professor Elxan Hüseynov operativ müşavirə keçirib və bununla bağlı müvafiq əmr imzalayıb. Əmrə uyğun olaraq yanvarın 17-nə təyin olunmuş imtahan yanvarın 19-na, yanvarın 18-nə təyin olunmuş imtahan isə yanvarın 26 -na keçiriləcək".
Xəbərdən istifadə edərkən istinad etmək vacibdir.
