Azərbaycanda
hava şəraitinin kəsikn dəyişəcəyi ilə bağlı bir sıra tədbirlər həyata
keçirilir. Belə ki, Nazirlər
Kabinetinin 2019-cu il 16 yanvar tarixli sərəncamından irəli gələrək yanvarın
17-si və 18-i respublika ərazisində fəaliyyət göstərən bütün təhsil müəssisələrində
təlim-tərbiyə prosesi dayandırılıb.
Bəs
Sumqayıtda necə bağçalarda təlim prosesi davam edəcəkmi?
Məsələ ilə
bağlı Sumqayıt şəhər İcra Hakimiyyəti Başçısının birinci müavini Teymur Səmədovla
əlaqə saxladıq. T. Səmədov Xeberle.com-a açıqlamasında Sumqayıt şəhərində
bağçalarda iki gün, yəni 17-18 yanvar tarxixlərində təlim prosesinin
dayandırılacağını bildirdi: "Nazirlər Kabinetinin 2019-cu il 16 yanvar
tarixli sərəncamına əsasən Sumqayıt Şəhər
İcra Hakimiyyətinin tabeliyində olan məktəbəqədər təhsil müəssisələrində iki
gün tədris prosesi olmayacaq. Uşaqların təhlükəsizliyinin təmin edilməsi məqsədi ilə həmin tarixdə onların bağçaya gətirilməsi məqsədəuyğun deyil".
Xatırladaq
ki, yanvarın 17-də hava şəraitinin kəskin dəyişəcəyi, şimal-qərb küləyinin
20-25 m/s, arabir 30-35 m/s, yarımadanın bəzi yerlərində arabir 40 m/s-dək şiddətlənəcəyi ilə bağlı xəbərdarlıq edilib.
Yağıntının
sulu qara, qara keçəcəyi, 17-dən 18-nə keçən gecə şəhərətrafı ərazilərin buz
bağlama ehtimalı var.
Xeberle.com
Xəbərdən istifadə edərkən istinad etmək vacibdir.
