Sumqayıt şəhərindəki 17 saylı "Gül” uşaq bağçası əsaslı təmir və yenidənqurma işlərindən sonra körpələrin ixtiyarına verilib.

Məlumat verilib ki, 17 saylı uşaq bağçası 1959-cu ilə istifadəyə verilib və əsaslı təmir bağçanın 60 illik yübileyinə ən gözəl hədiyyədir. Bağça bütövlükdə əsaslı təmir olunub ki, bura da 4 boyük qrup otağının, bir musiqi zalının 4 soyunub-geyinmə otağının, bir əsas və 4 yardımçı mətbəxin, iki saxlama anbarının əsaslı təmrii, qapı və pəncərələrin yenilənməsi, dam örtüyünün dəyişdirilməsi vəs. daxildir. Həmçinin həyətyanı ərazi abadlaşdırılıb, 1000 kvadratmetr tamet döşənib, 1100 kvadratmetr yaşıllıq zolağı salınıb, yüzlərlə ağac və kül kolları əkilib, hasar tamamilə yenilənib, istilik sistemi yenidən qurulub və nəzarət kameraları quraşdırılıb. Açılış günündə bağçanın uşaqları geniş ədəbi-bədii proqramla qonaqların qarşısında çıxış edib, vətənpərvərlik ruhlu şeirlər söyləyib və musiqi nömrələri təqdim ediblər.

Qeyd edək ki, keçirilən açılış mərasimində Sumqayıt şəhər İcra Hakimiyyətinin başçısı Zakir Fərəcov və "Azərikimya” İB-nin Baş direktoru İmran Arzumanzadə iştirak ediblər.