Tədbirdə Azərbaycan Respublikası Təhsil Nazirliyinin məsul işçisi Rövşən Ağayev, Sumqayıt Dövlət Yanğından Mühafizə İdarəsinin rəisi, polkovnik Tahir Quliyev, İdarənin rəis müavini Mirfuad Mahmudov, Fövqəladə Hallar Nazirliyinin əməkdaşı Qorxmaz Həsənov, Qubadlı rayon İcra Hakimiyyətinin Başçısının müavini Xoşqədəm Alıyeva, Qubadlı rayon Təhsil Şöbəsinin müdiri Fuad Bədəlov, məktəbin kollektivləri və ictimaiyyət nümayəndələri iştirak edib.

Tədbirdə ilk öncə təhlükəsizlik qaydalarını əks etdirən sərgiyə baxılıb, daha sonra bununla bağlı videoçarxlar nümayiş olunub.

Bunula yanaşı, "Fövqaladə hallar zamanı özünü necə aparmalı”, "Fövqaladə hallarla bağlı davranış qaydaları” mövzularında çıxışlar edilib, yanğın təhlükəsizliyi qaydaları haqqında ətraflı məlumat verilib.

Tədbirdə, həmçinin ərazinin daim təmiz vəziyyətdə saxlanmasının, normativ sənədlərə uyğun ilkin yanğınsöndürmə vasitələri ilə təmin edilməsinin, yanğın zamanı insanların binadan köçürülməsi planlarının hazırlanmasının zəruriliyi vurğulanıb, ilkin yanğınsöndürmə vasitələrindən istifadə qaydaları əyani nümayiş etdirilib.

FHN əməkdaşları tərəfindən fövqəladə hal anlayışı, təbii fəlakətlər, sel, daşqın, zəlzələ, yanğın təhlükəsizliyi, meşə yanğınları, su hövzələrində insanların təhlükəsizliyi, dəm qazından zəhərlənmənin profilaktikası, "112” qaynar xətti” və sair mövzulardan geniş bəhs edilib.

Sonda məktəb şagirdləri və FHN əməkdaşları ilə birgə yanğın zamanı görüləcək tədbirlər əyani nümayiş olunub.