Dağlıq Qarabağ müzakirələrimizin əsas məsələlərindən biri oldu.
Xeberle.com xəbər verir ki, bunu Rusiyanın Xarici İşlər naziri Sergey Lavrov Soçidə keçirilən Rusiya-Türkiyə Birgə Strateji Planlaşdırma Qrupunun 8-ci toplantısının yekunlarına dair mətbuat konfransında deyib.
O bildirib ki, Moskva Ankaranın münaqişə tərəflərinin öhdəliklərini yerinə yetirilməsinin icrasına göstərdiyi yardım səylərini alqışlayır.
Lavrov, həmçinin əlavə edib ki, Dağlıq Qarabağda atəşkəsə nəzarət üzrə Rusiya-Türkiyə Birgə Mərkəzinin aktiv qurulması prosesi gedir. Mərkəz bir müddət sonra fəaliyyətə başlayacaq.
Qeyd edək ki, bu gün Soçidə Rusiyanın Xarici işlər naziri Sergey Lavrovla türkiyəli həmkarı Mövlud Çavuşoğlu arasında görüş keçirilib.
Xəbərdən istifadə edərkən istinad etmək vacibdir.
