"Sumqayıtda bu tədris ili başlayandan 404 şagird, 276 müəllimdə koronavirus aşkarlanıb. 7 məktəb bununla bağlı müxtəlif vaxtlarda distant təhsilə keçib. Hazırda 2 məktəbdə - 14 və 28 saylı məktəblərdə distant formada təhsil aparılır".
Bu barədə Sumqayıt Təhsil Şöbəsindən Xeberle.com-a verilən eksklüziv açıqlamada bildirilib. Qeyd olunub ki, təhsil işçiləri arasında koronavirusdan 9 ölüm faktı qeydə alınıb. Vurğulanıb ki, bu günə qədər müxtəlif məktəblərdə 70 sinif distant təhsilə keçib: "Hazırda 20 sinifdə distant formada təhsil davam edir".
Açıqlamada o da bildirilir ki, məktəblərdə şagirdlərin dərsə davamiyyəti normaldır, 90%-dən çox uşaq dərslərdə müntəzəm iştirak edir.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
