Dövlət İmtahan Mərkəzinin ötən tədris ili üçün Azərbaycan Respublikasının ali və orta ixtisas təhsili müəssisələrinə tələbə qəbulu və ümumi təhsil müəssisələri üzrə buraxılış imtahanlarının nəticələrinin elmi statistik təhlili zamanı aydın olur ki, 2020-ci il məzunlarının ali təhsil müəssisələrinə qəbulolma göstəricilərinə görə Qubadlı rayonu respublika üzrə II yerdədir.
Həmçinin ali təhsil müəssisələrinə qəbul imtahanlarında yüksək nəticə göstərmiş (500-700 intervalında bal toplayanlar) abituriyentlərin bölgələr üzrə nəticəsinə görə Qubadlı rayonu üzrə ümumi təhsil məktəbləri 4-cü yerdə qərar tutmuşdur.
Ümumi təhsil müəssisələrinin XI sinif şagirdlərinin buraxılış imtahanındakı nəticələrinə əsasən Qubadlı rayonu Təhsil Nazirliyinə tabe və özəl liseylərdən sonra respublikada 1-ci yerdədir.
Ümumi təhsil müəssisələri üzrə IX sinif şagirdlərinin buraxılış imtahanındakı nəticələrinə görə isə Təhsil Nazirliyinə tabe və özəl liseylərdən sonra Qubadlı rayonu respublikada 8-ci pillədə qərarlaşmışdır.
Xəbərdən istifadə edərkən istinad etmək vacibdir.
