Dövlət İmtahan Mərkəzi avqust ayının birinci yarısında keçiriləcək imtahanlar haqqında məlumat yayıb.
Xeberle.com-un xəbərinə görə, avqustun 4-də hərbi liseylərə qəbul
imtahanı, rezidenturaya qəbul imtahanı (1-ci mərhələ 2-ci cəhd)
keçiriləcək.
Avqustun 11-də dövlət qulluğuna qəbul imtahanı (B növü), ümumi (9
illik) orta təhsil səviyyəsi üzrə: əvvəlki illərin məzunları üçün orta
ixtisas təhsili müəssisələrinə qəbul imtahanı, müsabiqədə buraxılış
imtahanında verdiyi xarici dildən fərqli dil üzrə iştirak etmək
istəyənlər üçün əlavə xarici dil imtahanı, qəbul imtahanını buraxılış
imtahanında verdiyi dildən fərqli dil üzrə vermək istəyənlər üçün əlavə
imtahan, iyun ayında keçirilən buraxılış imtahanlarında üzrlü səbəbdən
iştirak edə bilməyən şagirdlər üçün buraxılış imtahanı, həmçinin
eksternat qaydasında imtahan verənlər üçün buraxılış imtahanı
keçiriləcək.
Avqustun 12-də isə 9 və 11 illik təhsil səviyyəsi üzrə Azərbaycan dili (dövlət dili kimi) imtahanı baş tutacaq.
Xəbərdən istifadə edərkən istinad etmək vacibdir.
