Xidmət Sahələri üzrə Sumqayıt Dövlət Peşə Təhsil Mərkəzində dünya şöhrətli alim, qeyri-səlis məntiq nəzəriyyəsinin banisi, Azərbaycan Milli Elmlər Akademiyasının fəxri üzvü, professor Lütfi Zadənin (Lütfəli Rəhim oğlu Ələsgərzadənin) anadan olmasının 100 illiyi münasibəti ilə silsilə mini-konfranslar keçirilir.
Xeberle.com xəbər verir ki, konfransda mərkəzinin informatika müəllimləri Rəna Surxayeva, Lalə Kamilova və tarix müəllimi Təranə Namazova dünya şöhrətli azərbaycanlı alim Lütfi Zadənin həyat və yaradiciliğından danışıb. Qeyd edilib ki, Lütfi Zadəyə dünyada şöhrət qazandıran və bu gün istehsalatda geniş tətbiq edilən, eyni zamanda, dünya elmində inqilab hesab olunan qeyri-səlis məntiq nəzəriyyəsidir.
Tələbələr görkəmli alimin həyatı haqqında apardıqları tədqiqatlarının nəticəsini auditoriya ilə bölüşüblər. Azərbaycanın nadir incilərindən olan Lütfi Zadənin həyat və yaradıcılığına həsr olunmuş videoçarxlar təqdim olunub.
Xəbərdən istifadə edərkən istinad etmək vacibdir.
